Aravot.am-ը սուրբ Գրիգոր Լուսավորիչ եկեղեցու հոգեւոր հովիվ տեր Հակոբ քահանա Խաչատրյանից հետաքրքրվեց, ինչո՞ւ երեխաներին կարելի է անվանակոչել Մարիամի եւ սրբերի անունով, իսկ Հիսուսի անունով՝ ոչ: «Յուրաքանչյուր անուն իր բովանդակությունն ու իմաստն ունի: Մենք չենք կարող երեխային անվանակոչել Հիսուս անունով, որը կոչվում է փրկիչ, եւ հետո այդ անվան իմաստը վերագրված է միայն Աստծուն: Արեւմտյան իրականության մեջ նման փորձեր եղել են, բայց ոչ արդարացված»,-պարզաբանեց հոգեւորականը:
Հիշեցնենք , որ անցյալ տարի Ամերիկյան Թենեսի նահանգի դատարանը որոշում էր կայացրել փոխել երեխայի անունը, որին ծնողները նրան Մեսիա անունն էին տվել: «Մեսիան կոչում է, և այդ կոչումը միայն Հիսուս Քրիստոսն է վաստակել»,- ասել էր դատավորը:
Գոհար ՀԱԿՈԲՅԱՆ
Դե լավ էլի, :)) Հիսուս անունը շատ տարածված է քրիստոնեա ժողովրդի մոտ և հատկապես արևմուտքի, օրինակ Իսպանիայում ու շատ ու շատ իսպանախոս երկրներում Jesus, որը հենց նույն Հիսուսն է, երևի թե ամեն տասներորդն էդպես է կոչվում, մենակ թե չասեք, որ իսպանախոսերը կաթոլիկ են ու իրանք էտքան էլ քրիստոնեա չեն: :))