«Թեղուտի հանքի շահագործման համար տարվող աշխատանքների արդյունքում ջուրն ամբողջությամբ աղտոտվել է։ Թեղուտցիներից շատերը ջուր չունեն։ 2007-08թթ. երբ բոլորին հայտնի էր, որ շահագործվելու է հանքը, Թեղուտի նախկին գյուղապետ Հարություն Մելիքսեթյանը խոստացել էր, որ առաջինը լուծվելու է ջրի խնդիրը։ Բայց ինչպես տեսնում ենք՝ անցել է մի քանի տարի, սակայն գյուղացիները ջուր չունեն»,- «Ա1+»-ին տեղեկացրեց «Էկոլուր» ՀԿ նախագահ Ինգա Զարաֆյանը։
Բնապահպանը նկատում է, որ հանքի շահագործման գաղափարով ոգեւորված թեղուտցիները սկսել են հիասթափվել.
«Այն ընտանիքները, որոնք պատրաստակամություն հայտնեցին աշխատել հանքում, այսօր դժգոհում են, որ աշխատավարձը շատ չնչին է։ Տեսնում են, որ իրենց շրջապատող միջավայրը կորցնում է նախկին տեսքը»։
Ինգա Զարաֆյանը տեղեկացրեց նաեւ, որ հունվարի 17-ին «ԷՅ-ՍԻ-ՓԻ» ընկերությունը հասարակական քննարկում է կազմակերպելու. «Ամենայն հավանականությամբ հենց այդ ժամանակ էլ հայտնի կդառնա, թե երբ է շահագործվելու հանքը»։
Կարդացեք նաև
Նյութն ամբողջությամբ կարող եք կարդալ սկզբնաղբյուր կայքում:
