«Սեքյուրիթի Դրիմ» ՍՊԸ-ն պաշտոնապես հայտարարում է, որ Ալեքսանդր Ազատի Սարգսյանը որևէ առնչություն չունի խախտումների արձանագրման կենտրոն «Սեքյուրիթի Դրիմ» ՍՊԸ-ի հետ: Նա երբևէ չի հանդիսացել և չի հանդիսանում հիշյալ ընկերության հիմնադիր, մասնակից: Չի իրականացրել և չի իրականացնում ընկերության կառավարման որևէ գործառույթ:
Շրջանառվող տեղեկություններն առ այն, թե ընկերությունը պատկանում է Ա. Սարգսյանին, իրականությանը չեն համապատասխանում, դրանք մտացածին են և կեղծ:
«Սեքյուրիթի Դրիմ» ՍՊԸ-ն իր գործառույթներն իրականացնում է ՀՀ ԿԱ ոստիկանության ««Ճանապարհային ոստիկանություն»« ծառայության և ««Սեքյուրիթի Դրիմ»« ՍՊ ընկերության միջև 2011թ. հունիսի 13-ին կնքված պայմանագրի շրջանակներում:
Հանրությանը հետաքրքրող՝ գանձված տուգանքների 70 տոկոսը ընկերությանն ուղղվելու երևույթը իրականում հետևյալն է. ընկերության կողմից կատարված ներդրումների ծավալը շուրջ 5 300 000 000 ՀՀ դրամ է, որի վճարումը իրականացվել է, համակարգի շահագործման արդյունքում փաստացի գանձված գումարների 70 տոկոսից: Այսինքն, Հայաստանի Հանրապետությունը, ընկերության կողմից ներդրած գումարները անվերապահորեն վճարելու պայման չի ընդունել, այլ ընկերության կատարած ներդրումների դիմաց վճարումը իրականացնում է այդ համակարգի արդյունավետ շահագործումից ստացված գումարների 70 տոկոսից: Բնականաբար, ներդրված համակարգի ոչ արդյունավետ շահագործման բացասական ռիսկը կրել և կրում է ընկերությունը:
Հետագայում, 01.12.2013թվականից, ՀՀ ԿԱ ոստիկանության ««Ճանապարհային ոստիկանություն»« ծառայության նախաձեռնությամբ, տոկոսային հարաբերակցության չափը փոփոխվել է՝ դարձել է հիսուն տոկոս, որն ուղղվում է «Սեքյուրիթի Դրիմ»ՍՊԸ-ի կողմից կատարված ներդրումների, տեղադրված և սպասարկվող համակարգերի պահպանման, վերանորոգման, շահագործման և արդիականացման ծախսերի ապահովմանը:
«Սեքյուրիթի Դրիմ» ՍՊԸ-ի տնօրեն Դ. Հակոբյան
Ճիշտա, Երևան սիթին էլ Սամվել Ալեքսանյանինը չի, Հարսնաքարն էլ Հայրապետյանինը չի… Էդ մարդիկ բիզնեսմեն չեն հո, պատգամավոր են չէ՞
եղավվվվվվվվվվվվվվվվ…..մենքել հավատացինք Սաշիկ Սարգսյանին ու այդ ընկերության դրածո տնօրենին:
Հետաքրքիր է թե ինչու այս տեղեկատվությունը հանրությանը չի տրամադրվում սկզբից.
Գաղտնի է պահվում: և երբ արդեն դառնում է սոցիալական պայթյունի վտանգ չքմեղանում են «հարգելի պատճառներով»
«Ինչո՞ւ Ճշմարտությունը միշտ կբռնաբարվի:» Հակոբ Պարոնյանը այս հարցին պատասխանել է. «Քանզի այն մերկ է և գեղեցիկ:»
Իսկ Հայաստանում ճշմարտությունը առավել ևս մերկ է ու ավելի գեղեցիկ քան այլուր:
տակն էլ գրեք պապայիս արեւ, կամ ազնիվ պիոներական, ճիշտ եմ ասում… Սաշիկինը չի, Միշիկինն ա, Միշիկինը չի Յաշիկինն ա….ինչ տարբերություն…կարեւորը, որ էդ թայֆից մեկնումեկինն ա….5 300 000 000 ՀՀ դրամի ներդրում….ի՞նչ…5 միլիա՞րդ….ու որտեղից Սեքյուրիթի դրիմին էդ փողերը….ի՞նչ գործունեությունից են դրանք գոյացել, ինչքա՞ն հարկ է մուծվել դրանք ստեղծելու դիմաց……5 միլիարդ դրամ……ու նենց համոզված էիք, որ հետ եք բերելու էդ փողերը….բա որ մեր վարորդները էնքան կարգապահ լինեն, որ ոչ մի տուգանք չգա, ո՞նց եք անելու…..ո՞ւմից եք ուզելու էդ 5 միլիարդը…….խի ճանապարհային երթեւեկության կանոնների պահպանման հսկումը կարա բիզնես լինի՞ ու ինչ-որ ընկերություն էլ 5 միլիարդ ներդնի՞: Պարզից պարզ ա, որ նման գումարներ կարա մենակ պետբյուջեից ներդրվի ու սաշիկի, միշիկի կամ յաշիկի կողմից էլ յուրացվի: Նույն տրամաբանությամբ կարա՞մ ես էլ ինչ-որ բակում, փողոցում արագաչափի նման մի բան դնեմ ու փող հավաքեմ: Հը՞: Իհարկե չեմ կարա: Ու ճիշտ ա, որ չեմ կարա: Բայց չգիտես ինչու, դա չի վերաբերվում սեքյուրիթի դրիմին, պարկինգ սիթի սերվիսին ու դրանց նմաններին:
“…տոկոսային հարաբերակցության չափը փոփոխվել է՝ դարձել է հիսուն տոկոս”,- սրանից էլ լավ խոստովանությու՞ն: