«Արմենիա» հեռուստաընկերության «Ժամը» լրատվականի ղեկավար Գագիկ Մկրտչյանը քիչ առաջ Aravot.am-ին ասաց, որ վարչապետ Հովիկ Աբրահամյանի անունը «Հավիկ» գրած լրատվականի լրագրողն ու մոնտաժողը աշխատանքը կշարունակեն միայն կիրակնօրյա թողարկման խմագրակազմում:
Մեր հարցին` ինչքանով կապ ուներ այդ որոշումը վարչապետ Հովիկ Աբրահամյանի հորդորով` վրիպակի պատճառով աշխատանքից ազատելու որոշումը վերանայելու հետ, ասաց. «Մինչեւ դա էինք որոշում կայացրել: Աշխատանքից ազատել ասելով` նկատի եմ ունեցել, որ ազատվել են «Ժամը» լրատվական ծառայությունում աշխատելուց եւ այսուհետեւ աշխատելու են «Ժամը» լրատվականի կիրակնօրյա թողարկման առանձին խմբագրակազմում, որը ավելի քիչ ծանրաբեռնվածությունէ ենթադրում»:
Հիշեցնենք, որ պարոն Մկրտչյանն ավելի վաղ մեզ հետ զրույցում ասել էր, որ վրիպակը թույլ տված աշխատակիցներն ազատվել են աշխատանքից: Այժմ նա ասաց, որ հենց դա նկատի ուներ՝ այլ աշխատանքի անցնելը:
Հիշեցնենք նաեւ, որ քիչ առաջ վարչապետը հայտարարություն է տարածել, որ վրիպակի պատճառով աշխատանքից լրագրող ազատելն իր համար ցանկալի չէ եւ հորդորել էր հեռուստաընկերության ղեկավարությանը վերանայել այդ որոշումը:
Կարդացեք նաև
Արփինե ՍԻՄՈՆՅԱՆ
Այսինքն` վերևում մեկը նստած, աշխատելու փոխարեն պաշտոնական դիրքն իր անձնական ճղճիմ ու կամակոր հավակնություններին է ծառայեցնում` թքած ունենալով օրենքի և իրավունքի վրա…Տվյալ պաշտոնյան մեկ օրվա ընթացքում երկու ,,վրիպակ,, է թույլ տվել` վերադաս իշխանիկների հետ միասին ու իրենք էլ չեն համապատասխանում իրենց զբաղեցրած պաշտոնին ու պիտի հեռացվեն ժողովրդի կողմից…
Հեռու չէ այն օրը, երբ ժողովուիդը ,ի վերջո, կթքի’ ստոր ու հացավոր պաշտոնյայի ճակատին և իր իրական տեղը ցույց կտա……