Հունահռոմեական ըմբշամարտի Հայաստանի ազգային հավաքականի գլխավոր մարզիչ Լեւոն Ջուլֆալակյանը Սասարիում ավարտված միջազգային հեղինակավոր մրցաշարի ավարտից հետո թիմին ճանապարհել է Երեւան, իսկ ինքը մնացել Իտալիայում: Նա մի որոշ ժամանակ այնտեղ կհանգստանա ու վերադառնալով` կլծվի իր գործին:
Հիշեցնենք, որ վերջերս Լեւն Ջուլֆալակյանը Ծաղկաձորում հավաքականի հետ ուսումնամարզական հավաքի օրերին գլխապտույտներ էր ունեցել եւ շտապ օգնության մեքենայով տեղափոխվել Երեւանի «Նաիրի» բժշկական կենտրոն: Բարեբախտաբար, նրա առողջական վիճակը բժիշկները նորմալ են գնահատել, սակայն խորհուրդ են տվել մի փոքր հանգստանալ ամենօրյա գերծանրաբեռնված աշխատանքից:
Աշոտ ՀԱԿՈԲՅԱՆ
