Փաստորեն, Միկոյանի արձանի պատմության մեջ Միկոյաններից ամենակարգին եւ արժանավոր մարդը հենց Ստաս Նամինը դուրս եկավ։ Մինչդեռ արձանի հետ կապված աղմուկի սկզբում հենց նրա անունն էր նշվում առաջինը՝ որպես արձանի տեղադրման գաղափարի գլխավոր հեղինակ։ Միգուցե ի սկզբանե այդպես էլ եղել է, հնարավոր է, որ նրան հուշել են արձանի գաղափարը, եւ նա համաձայնվել է, սակայն հետագայում տեղեկանալով, թե ինչ սկանդալ է դա Հայաստանում առաջացրել, դեմ արտահատվեց արձանին։ Ընդ որում, Ստաս Նամինը Միկոյանների տոհմից թերեւս միակ մարդն է, որը ինչ-որ չափով առնչություն ունի Հայաստանի հետ։ Այստեղ ապրել է որոշ ժամանակ, այստեղ մշակութային խոշոր միջոցառումներ է կազմակերպել։
Իսկ ո՞վ է Վլադիմիր Միկոյանը. Ռուսաստանի առեւտրաարդյունաբերական պալատի Արեւելյան Եվրոպայի տարածաշրջանային ներկայացուցիչ։ Ու վերջ։ Գտեք այստեղ Հայաստանի հետ որեւէ կապ։ Բայց Միկոյանի արձանը Հայաստանում է ցանկանում տեսնել, այլ ոչ թե իր հայրենիքում՝ Ռուսաստանում։ Սրա մասին շատ է խոսվել, պատճառն այն է, որ Միկոյանը որպես պետական, քաղաքական գործիչ, Ռուսաստանում որեւէ. հարգանք չի վայելում, քանի որ այնտեղ վաղուց գիտեն, թե ինչ «հերոսություններ» է արել ստալինյան ժամանակաշրջանում։ Ու այս մարդը իրեն թույլ է տալիս Ստաս Նամինի հասցեին քար գլորել։
Մհեր ՂԱԼԵՉՅԱՆ
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
