ՌԴ քաղաքացի Մաքսիմ Նիկիտենկոն, ըստ gazeta.ru-ի, ներկերով պղծել է 1-ին դարում կառուցված Գառնու հեթանոսական տաճարը: Այս մասին լրատվամիջոցին հաղորդել է ՀՀ մշակույթի նախարարության պատմամշակութային արգելոցների եւ պատմական ժառանգության պահպանման ծառայության մամուլի քարտուղար Մարինե Ավանեսյանը: Վերջինիս խոսքերով՝ ռուս զբոսաշրջիկը Գառնու պատերի վրա աերոզոլային ներկով գրել է «В мире идол ничто».
Այս բարբարոսությունը նկատել եւ տաճարի պահապաններին տեղեկացրել է մեկ այլ այցելու: Նիկիտենկոյին բռնել եւ հանձնել են Գառնիի ոստիկանությանը: Ըստ տաճարի պահապանների՝ երիտասարդը չի զղջացել իր արարքի համար: Սակայն թերեւս կզղջա այն ժամանակ, երբ մուծի տուգանքը՝ նվազագույն աշխատավարձի՝ 50-80- ապատիկը: Նվազագույն աշխատավարձը կազմում է 50 հազար դրամ:
Իր հերթին բլոգեր Տիգրան Քոչարյանը ֆեյսբուքյան իր էջում գրել է, որ, իր տեղեկություններով, այդ երիտասարդին բարբարոսության վայրում բռնողները մնացած ներկը լցրել են նրա գլխին եւ ձեռքերին, նոր նրան հանձնել ոստիկանություն:
Ուշացած քայլեր: