Ավետիք Իշխանյանի կարծիքով՝ բավականին բուռն քննարկում է տեղի ունեցել:
Հայաստանում ԱՄՆ դեսպան Ջոն Հեֆերնը այսօր՝ նոյեմբերի 3-ին, հանդիպել է ԱԺ ոչ իշխանական եռյակի եւ հասարակության ներկայացուցիչների հետ:
Հայաստանում Հելսինկյան կոմիտեի նախագահ Ավետիք Իշխանյանը նույնպես մասնակցել է այդ հանդիպմանը: Նա Aravot.am-ի հետ զրույցում նշեց, որ դեսպանին հետաքրքրում էր տարբեր հասարակական եւ քաղաքական գործիչների դիրքորոշումը սահմանադրական փոփոխությունների շուրջ:
Նա հավելեց, որ այդ հանդիպման ընթացքում քննարկվել է ներկայիս իրավիճակը, կախվա՞ծ է արդյոք այն գործող սահմանադրությունից, արդյոք պե՞տք են փոփոխություններ Սահմանադրությունում, արդյոք կա՞ վստահություն իշխանությունների նկատմամբ՝ սահմանադրական փոփոխությունների հարցում, արդյոք կա՞ հասարակական պահանջ եւ այլ հարցեր: «Բավականին բուռն, բավականին հետաքրքիր քննարկումներ եղան: Բայց բանավիճողների մեծ մասը մնաց իր կարծիքին»,-ներկայացրեց մեր զրուցակիցը:
Կարդացեք նաև
Ամի ՉԻՉԱԿՅԱՆ
Լուսանկարը՝ Ջոն Հեֆերնի թվիթերյան էջից:
