ՀՀ վարչական դատարանում ՀՀ կրթության և գիտության նախարարության «Հայաստանի ազգային ագրարային համալսարան» հիմնադրամի ներկայացուցիչ Գնել Մուղնեցյանը ներկայացրեց իրենց հայցի առարկան, ասելով, որ վիճարկվող հողը հատկացված է եղել իրենց, եւ Երեւանի քաղաքապետն իր որոշմամբ չի վկայակոչել իրավական ակտերը:Երբ «Օրինաց երկիր» կուսակցության ներկայացուցիչն ասաց, թե «կողմն ամեն ինչից բոլ-բոլ ունի», հետեւեց պատասխանը.«Դուք էլ օրինաց երկիր» ունեք»:
«Օրինաց երկիր» կուսակցության վերաքննիչ բողոքի հիման վրա ՀՀ վարչական դատարան էր ուղարկվել թիվ ՎԴ/3549/05/14 վարչական գործն ըստ հայցի՝ ՀՀ կրթության և գիտության նախարարության «Հայաստանի ազգային ագրարային համալսարան» հիմնադրամի ընդդեմ Երևանի քաղաքապետարանի, ՀՀ Կառավարության, երրորդ անձ «Օրինաց երկիր» կուսակցության՝ Երևանի քաղաքապետի 14-11-2008թ թիվ 5309-Ա որոշումը և նույն օրը տրված 02/18-27908 քանդման թույլտվությունն անվավեր ճանաչելու պահանջների մասին :
22.10.2014թ. ստացվել է ՀՀ վարչական դատարան:
Վարչական գործը բաղկացած էր 2 հատորից` հատոր 1-ը բաղկացած 84 թերթից, հատոր 2-ը՝ բաղկացած 94 թերթից:
Կարդացեք նաև
22.10.2014թ. -ին ստացված գործով այսօր նախնական դատական նիստն էր, դատավոր Նարինե Բաղդասարյանի նախագահությամբ:
«Օրինաց երկիրը» ներկայացնում էր փաստաբան Անահիտ Սարգսյանը, երրորդ կողմ ճանաչված պետգույքի կառավարման վարչությունը՝ Արկադի Պետրոսյանն ու Անգելինա Ավանեսյանը, իսկ ագրարային համալսարանի ներկայացուցիչն էր Գնել Մուղնեցյանը: Երրորդ կողմ ճանաչված քաղաքապետարանի իրավաբանական բաժնի աշխատակից Արամ Մարտիրոսյանը քաղաքապետ Տարոն Մարգարյանի լիազորագրով ոչ միայն ճանաչվել էր քաղաքապետարանի ներկայացուցիչ, այլ՝ ՀՀ կառավարության :Սա այն դեպքում, երբ կառավարությունն իր ներկայացուցչին ուղարկել էր այս գործով:Ի դեպ, անշարժ գույքի պետական կոմիտեն բացակայում էր, եւ դատարան ոչ միայն չէր ներկայացրել առարկությունները, այլ միջնորդություն՝ նիստը հետաձգելու կամ այլ հերթի նշանակելու մասին:
Մինչ դատաքննության փուլ անցնելը, դատարանը հնարավորություն տվեց հայցվորին ներկայացնել հայցի առարկան՝ ապացույցների բեռը վերջում թողնելով քաղաքապետարանի «համեստ»ուսերի վրա:
Գնել Մուղնեցյանը հայտնեց, որ Տերյան -74 գույքի նկատմամբ 2008թ. նոյեմբերի 14-ին վարչական ակտ է կայացվել, որով «Օրինաց երկիր» կուսակցությանը հատկացվել է եւ տրվել գույքի օգտագործման իրավունք:Սա այն դեպքում, երբ գույքը հատկացվել է մեկ այլ որոշմամբ ագրարային համալսարանին:
Ագրարային համալսարանի ներկայացուցիչը հղում արեց այդ որոշումից, մասնավորապես, նկատելով, որ քաղաքապետը հղում արած «հողամասն այդ մակերեսով» չի էլ հատկացրել նախկինում : Նկատի ուներ 2007թ. փետրվարի 27-ի որոշումը:
Ըստ հայցվորի, քաղաքապետն իր որոշմամբ ոչ միայն խախտել է «Հողային օրենսգիրքը»,այլ նաեւ կուսակցությունների մասին օրենքը, որով չի թույլատրվում պետական, ՏԻՄ-երի կողմից նվիրատվություն, անհատույց օգտագործման իրավունք տալ կուսակցություններին:Հողը կառավարության որոշմամբ հատկացվել է ագրարայինին:
Նա դատարանի ուշադրությունը գրավեց այն հանգամանքի վրա, որ ավելի շուտ գրանցվածները ունեն պաշտպանության իրավունք, եւ իրենց սեփականությունն ավելի վաղ է գրանցվել, քան կուսակցությանը:
Դատարանից կողմը խնդրել էր վերացնել քաղաքապետի որոշումը, ՕԵԿ-ի անունով տրված գույքի գրանցման վկայագիրը, կողմերի միջեւ նախկինում կնքված պայմանագիրը:
Այս խճճված վեճի ժամանակ հարցումներ են ուղարկվել տարբեր պետական մարմիններին, այդ թվում նաեւ կրթության եւ գիտության նախարարին:
Ըստ նախարար Ա.Աշոտյանի էլ՝ հողամասը պատկանում է ագրարային համալսարանին եւ այն չի վերցվել:
Առանձին պարզաբանումներ եղան գույքի մաս կազմող ավտոտնակի, տարածքի անվանման, չափերի մասին:
Ներկայացվեց նաեւ գլխավոր հատակագիծը, որը դիտվեց կողմերի կողմից:
«Օրինաց երկիրը» հայցին դեմ արտահայտվեց, ասելով, որ գույքն իրենց անունով է գրանցված, որ հաջորդ նիստին կներկայացնի իրենց առարկությունները, իսկ հայցվորն էլ ասաց, որ «ավտոտնտեսության մաս» կազմել չի կարող վիճելի ավտոտնակը:
Նկատենք, որ կողմերից մեկը՝ պետգույքի կառավարման վարչությունը որեւէ փաստաթուղթ չէր ստացել մինչ դատարան հրավիրվելը, եւ անգամ միջնորդեց, որ տրամադրվեն դրանք, որպեսզի իրենց դիրքորոշումը կարողանան ներկայացնել:
Դատաքննությունը նշանակվեց դեկտեմբերի 15-ին:
Ռուզան ՄԻՆԱՍՅԱՆ
