Դեկտեմբերի 27-ին Ռուսաստանի արտգործնախարարությունը հաղորդագրություն է հրապարակել՝ ամփոփելով 2014 թվականը, որտեղ ի թիվս այլ հարցերի խոսվում է նաև Եվրասիական տնտեսական միության, ՀԱՊԿ-ում առաջնահերթությունների և Ղարաբաղյան խնդրի կարգավորմանն ուղղված Ռուսաստանի գործողությունների մասին:
Հաղորդագրությունում նշվում է, որ մոտ 40 երկրներ և կազմակերպություններ հետաքրքրված են ԵՏՄ-ի հետ ազատ առևտրի գոտի ստեղծելու մասին պայմանագրերի կնքմամբ:
ԱՊՀ-ի տարածքում հակամարտությունների լուծման տեսանկյունից հաղորդագրության մեջ կարևորվում է նաև Ռուսաստանի միջնորդական աշխատանքը ղարաբաղյան խնդրի կարգավորման գործում, մասնավորապես՝ «Ռուսաստանի նախագահի նախաձեռնությամբ Հայաստանի և Ադրբեջանի նախագահների միջև Սոչիում տեղի ունեցած հանդիպումը, որը թույլ տվեց զգալիորեն կրճատել լարվածությունը շփման գծում և հստակեցնել կողմերի դիրքորոշումները»:
Մանրամասները կարող եք կարդալ` «Ազատություն» ռադիոկայանի կայքում
