Այսօրվանից «Նաիրիտ» գործարանի աշխատակիցները պետք է վերսկսեին աշխատավարձի պարտքի վճարման եւ կրճատումների խնդրի հետ կապված բողոքի ակցիաները: Սակայն, հաշվի առնելով Գյումրիում հունվարի 12-ին կատարված ողբերգությունը, նաիրիտցիները որոշել են ժամանակավորապես դադարեցնել ակցիաների անցկացումը: Այս մասին Aravot.am-ին հայտնեց «Նաիրիտ» գործարանի մամուլի քարտուղար Անուշ Հարությունյանը:
Այսօր «Նաիրիտի» աշխատակիցները հավաքվել են գործարանում, սակայն նախապես ծրագրավորած երթը չեն անցկացրել` բավարարվելով միայն հանրապետության նախագահ Սերժ Սարգսյանին «բաց նամակ» հղելով:
«Ակցիաները պետք է մեկնարկեին այսօրվանից` փետրվարի 16-ից, սակայն մեր կողմից առավել կարեւորվեց այս պահին երկրում տիրող լարված դրությունը: Սգալով հայ ընտանիքի մղձավանջային կորուստը, մենք մինում ենք հայ ժողովրդի պահանջին` մինչեւ վերջ բացահայտել այս սահմռկեցուցիչ ոճրագործությունը՝ արժանի պատժի ենթարկելով բոլոր մեղավորներին: Երթ անելու փոխարեն, մենք այս պահին ընտրեցինք բողոքի արտահայտման այլ տարբերակ` բաց նամակով դիմելով երկրի նախագահին»,-ասաց Անուշ Հարությունյանը:
Լուսինե ԲՈՒԴԱՂՅԱՆ
