«Առավոտը» «Հիմնադիր խորհրդարանի» ղեկավար Ժիրայր Սեֆիլյանից հարցրեց՝ «Սիվիլնեթին» տված Ձեր հարցազրույցից շատերը տպավորություն էին ստացել, ու բազում հրապարակումներ էլ եղան, որ այն ամենը, ինչ դուք այսօր անում եք, շատ նման է «Դրո»-ի գործին: Մենք «Դրո-2»-ի ականատեսնե՞րն ենք:
«Ոչ մի զուգահեռ չեմ տեսնում այդ երկուսի միջեւ: Ես «Մարտի 1»-ի հետ եմ զուգահեռներ տեսնում: Ուղղակի «Մարտի 1»-ից հետո ընդդիմությանը չհաջողվեց տեր կանգնել ժողովրդի ընդվզմանը, հունվարի 31-ից հետո տեղի է ունեցել ցնցում, եւ լռակյաց ընդվզումն այսօր գոյություն ունի: Իսկ այդ ընդվզմանը մենք տեր ենք կանգնելու` ի տարբերություն նախորդ ղեկավարության»,- ասաց Ժիրայր Սեֆիլյանը:
«Առավոտ» օրաթերթ
12.02.2015
