Ադրբեջանական լրատվամիջոցները գրում են, որ Մոսկվայում, Աշոտ Դանիելյանի հաղթանակից հետո, Հայաստանի հիմնի հնչելու ժամանակ պպզած ադրբեջանցի սամբիստ Բախտիյար Աբբասովից ետ կվերցնեն նրա նվաճած բրոնզե մեդալը եւ նրան կորակազրկեն երկու տարով : Այդ մասին լրատվամիջոցներին հայտնել է Ադրբեջանի սամբոյի ֆեդերացիայի նախագահ Ջեյհուն Մամեդովը: Վերջինիս խոսքերով՝ այդ մասին իրեն հայտնել է սամբոյի Եվրոպայի ֆեդերացիայի նախագահ Սերգեյ Ելիսեեւը, հավելելով, որ այդ հարցով առաջիկայում վերջնական որոշում կընդունվի:
Ոսկան ՍԱՐԳՍՅԱՆ
