«100-ամյակն առանց ռեժիմի» շարժման ներկայացուցիչները վստահեցնում են, թե իրենց դեմ հարուցված գործերով սահմանափակումները խոչընդոտում են իրենց աշխատանքին: Մասնավորապես «100-ամյակն առանց ռեժիմի» շարժման ներկայացուցիչ Գարեգին Չուգասզյանը հայտնեց, որ հունիսի 4-5-ը արտերկրում հրավիրված է ինտերնետի կառավարման համաժողովին, սակայն ըստ իր դեմ հարուցված գործի՝ չի կարող բացակայել երկրից:
Նա տեղեկացրեց, թե դիմել է ՀՀ գլխավոր դատախազ Գևորգ Կոստանյանին, որ իր խափանման միջոցը հանեն: Այնուհետև նշեց. «Ես չեմ կարծում, որ իրենց համար հաճելի կլինի, որ այդ մասնակցությունը տեղի չունենա, և ես որպես քաղաքական հալածյալ ներկայանամ, թող իրենք մտածեն, թե երբ են կարճում այս գործը»:
«100-ամյակն առանց ռեժիմի» շարժման առաջնորդ Ժիրայր Սեֆիլյանը հավելեց. «Ինչ առգրավել են, թող ետ վերադարձնեն: Իրենք շարունակում են պահել մեր համակարգիչները, դրոշները»:
«100-ամյակն առանց ռեժիմի» շարժման ներկայացուցիչ Վարուժան Ավետիսյանն էլ լրացրեց. «Ծխախոտի մնացուկները, սոդան ու ջերմուկի շիշը հետ չենք ուզում, դա թողնում ենք Գասպարյանին, ինքը ինչ-որ հատուկ ռումբի տեսակ գիտի սոդայի հիմքով»:
Կարդացեք նաև
Տաթև ՀԱՐՈՒԹՅՈՒՆՅԱՆ
