Բաքվում քիչ առաջ պայքարն սկսեցին Եվրոպական խաղերի մասնակից սամբիստները: Յուրաքանչյուր քաշային կարգում ընդգրկված է ութ մարզիկ եւ նրանք պայքարն սկսել են քառորդ եզրափակչից:
90 կգ քաշային կարգում աշխարհի գավաթակիր Աշոտ Դանիելյանը մեկնարկային գոտեմարտում 4-0 հաշվով հաղթեց մոլդովացի Վալերի Մելեաշեւիչին ու մտավ կիսաեզրափակիչ, որտեղ նրա մրցակիցը բելառուս Անդրեյ Կազուսյոնակն է լինելու:
Իսկ մինչ այդ, 57 կգ քաշային կարգում Տիգրան Կիրակոսյանը պարտվել էր ռուսաստանցի Այմերգեն Ատկունովին:
Աշոտ ՀԱԿՈԲՅԱՆ
