«Այն, ինչ տեղի է ունենում Հայաստանում, մի գովելի կողմ ունի, որ մեր երիտասարդությունը կարծես թե զարթնեց եւ ազգային գիտակցությունը մեջտեղ եկավ»,- հուլիսի 6-ին «Տեսակետ» մամուլի ակումբում լրագրողների հետ հանդիպման ընթացքում ասաց գեղանկարիչ Նիկոլ Աղաբաբյանը:
Նրա խոսքերով՝ բացի դրանից, ոչ մի ուրիշ դրական բան չկա. «Եթե մեր երկրի ղեկավարը տեղյակ չէ այս ամեն ինչից եւ աուդիտ է անում, ուրեմն՝ նա թույլ ղեկավար է, թույլ նախագահ է, այսինքն՝ անտեղյակ է, թե ի՞նչ է կատարվում: Ես չեմ հավատում, որ ինքը տեղյակ չի, իսկ եթե տեղյակ է, ուրեմն՝ ինքն իր մասնակցության բաժինն ունի եւ այս ամենը իրենից թատրոն է ներկայացնում: Մենք այսօր հայտնվել ենք այնպիսի իրավիճակի մեջ, որ երկիրը կորցնելու սահմանագծին ենք: Մեր երկիրը, իմ համոզմամբ, ղեկավարվում է դրսից, եւ մեր երկրի ղեկավարը ընդամենը դրսի հրամաններն այստեղ իրականացնողն է: Իմ համոզմամբ՝ առանց վարանելու պետք է բարձրաձայնել այս խնդիրը եւ խնդրել պարոն նախագահին իր ծառայությունները մեր երկրի նկատմամբ դադարեցնել, այլապես՝ մենք կորցնում ենք Հայաստանի Հանրապետությունը, պետականությունը»:
Ամի ՉԻՉԱԿՅԱՆ
Ապրե՛ս, Նիկոլ ջան, դու միշտ ունես օբյեկտիվ, համարձակ, անկեղծ դիրքորոշում…