Ինչպես արդեն տեղեկացրել ենք մեկնարկել է Եվրոպայի խորհրդի խորհրդարանական վեհաժողովի (ԵԽԽՎ) աշնանային նստաշրջանը: Բացման խոսքում ԵԽԽՎ նախագահ Անն Բրասյորը կրկին մտահոգություն հայտնեց Ադրբեջանում մարդու իրավունքների ոտնահարման դեպքերի և մարդու իրավունքների պաշտպանությամբ զբաղվող անձանց նկատմամբ հետապնդման վերաբերյալ: Անն Բրասյորը շեշտեց. «Ժամանակն է, որ Ադրբեջանը փոխի իր վերաբերմունքը մարդու իրավունքների պաշտպանության հարցում»:
Այնուհետև տիկին Բրասյորը հայտարարեց, որ այս վեհաժողովին մի շարք նոր պատվիրակներ են մասնակցում նստաշրջանին: Նշենք, որ, օրինակ, ԵԽԽՎ-ում հայաստանյան պատվիրակությունում ՀՀ արդարադատության նախարար նշանակված Արփինե Հովհաննիսյանին փոխարինում է ՀՀԿ-ական Սամվել Ֆարմանյանը:
Տաթև ՀԱՐՈՒԹՅՈՒՆՅԱՆ
