Ինչպես տեղեկացրել ենք՝ երեկ երեկոյան Գյումրու երիտասարդությունը Միքայել Նալբանդյանի անվան պետական մանկավարժական ինստիտուտից քայլերթ կազմակերպեց դեպի Շառլ Ազնավուրի հրապարակ, որտեղ ծաղիկներ դրեցին ու մոմեր վառեցին Փարիզում ահաբեկիչների ձեռքով զոհվածների հիշատակին: Նրանց այս հրապարկում միացան Շիրակի մարզպետն ու մարզպետարանի աշխատակիցները, ինչպես նաև Գյումրու քաղաքապետը: Շիրակի մարզպետ Ֆելիքս Ցոլակյանն ասաց. «Այսօր Գյումրիի հասարակությունը հավաքվել է Շառլ Ազնավուրի հրապարակում Շառլ Ազնավուրի արձանի մոտ և իրենց հարգանքի տուրքն են մատուցում այն զոհերին, որոնք ընկան Փարիզում տեռորիստների ձեռքով: Այսօր աշխարհի առաջադեմ մարդկությունը պետք է միահամուռ «Ոչ» ասի ահաբեկչական երևույթներին, այսօր մեր բողոքի ձայնն ենք բարձրացնում, միաժամանակ հարգանքի տուրք ենք մատուցում»:
Գյումրու քաղաքապետ Սամվել Բալասանյանն էլ իր հերթին հայտարարեց՝ «Ո՛չ տեռորիզմին», ասաց, որ վերջնականապես պետք է պայքարել սրա դեմ ու հիշեց, թե ինչպես էին ֆրանսացիաները երկրաշարժի ծանր օրերին սատար կանգնում գյումրեցիներին:
Նունե ԱՐԵՎՇԱՏՅԱՆ
Կարդացեք նաև
Եթէ այս «ոչ»-ի լոզունքը հնարամիտ ակնարկութիւն մըն է սահմանադրական վերամշակման դէմ «ոչ»-ին, բաւականին անտեղի է, չասելու համար կարգին անճոռնի, նկատի ունենալով երկու նիւթերի տարբերութիւնը…
Մի քիչ նմանում է «Հարիւրամյակը առանց Ռեժիմի» տխրահռչակ կոչին…
Կամ ել, ընդհանրապէս ամէն նիւթում Ցեղասպանութիւնը «օգտագործելը», Մեծ Եղեռնը մէջբերելը…