Տավուշի մարզի ամենահեռավոր, սահմանամերձ Բարեկամավան գյուղ վաղուց հասարակական տրանսպորտ չի մեկնում: Բարեկամավանցիները տարածաշրջանի կենտրոն Նոյեմբերյան, Տավուշի մարզկենտրոն Իջեւան հասնում են պատահական ավտոմեքենաներով, հայրենի գյուղից մեկնելիս եւ վերադառնալիս զրկանքներ կրելով, շատ ծախսով:
Բարեկամավանից արտագաղթը մեծ է, գյուղի բազմաթիվ տներում գիշերները լույսեր չեն վառվում: Բարեկամավանի բնակիչները հայտնեցին, որ գյուղում 5 առանձնատուն նախկինում քանդել են շինանյութի համար, դրսում ապրող դրանց տերերին վճարելով քիչ գումար:
Բարեկամավանի հարեւան Կոթի գյուղում թաղամաս կա, ուր գիշերը ընդամենը մեկ տան լույս է վառվում:
ՀՀ իշխանությունները վերջին տարիներին Տավուշի սահմանագոտում ենթակառուցվածքների բարելավման ծրագրեր են իրականացրել, սահմանագոտու բնակիչներին հարկային արտոնություններ են տրվել, սակայն դրանից սահմանամերձ գյուղերի բնակիչների կյանքն էապես չի բարելավվել:
Կարդացեք նաև
2 տարի առաջ գազաֆիկացվել են Նոյեմբերյանի տարաածաշրջանի սահմանամերձ Բարեկամավան,Կոթի, Ոսկեվան, Ոսկեպար, Բաղանիս, Ջուջեւան գյուղերը, սակայն գյուղացիները իրենց տներ գազ անցկացնելու համար վճարունակ չեն, այդ գյուղերում բնական գազի ոչ մի բաժանորդ չկա:
Ոսկան ՍԱՐԳՍՅԱՆ
Բազմիցս արձագանքել եմ այս թեմայով հրապարակումներին, մի քանի անգամ ինքս եմ բարձրաձայնել շարունակ արծարծվող և սահմանագոտու համար կարևորագույն նշանակություն ունեցող այս բազմաչարչար հիմնախնդիրներին, բայց ավա՜ղ․․․Չգիտեմ էլ ի”նչ գրեմ․․․