Հայ մարզասերներին ծանրամարտի Եվրոպայի առաջնությունում, թերեւս, ամենից ավելի հուզում էր Նազիկ Ավդալյանի մասնակցությունը: Եվ դա միանգամայն հասկանալի է: Նազիկը ավտովթարի ժամանակ ողնաշարի լուրջ վնասվածք էր ստացել ու ծանր վիրահատության ենթարկվել: Անգամ բժիշկները սկզբում կասկածում էին, որ նա երբեւէ կկարողանա սպորտով զբաղվել: Փառք ու պատիվ նրանց, որոնք ՀԱՕԿ նախագահ Գագիկ Ծառուկյանի անմիջական ջանքերով արեցին հնարավոր ամեն բան: Նազիկը ոչ միայն վերադարձավ, այլեւ օրերս Նորվեգիայում նվաճեց Եվրոպայի չեմպիոնի կոչումը:
Այս գիշեր «Զվարթնոց» օդանավակայանում Aravot.am-ի հարցին, թե իրենք Նազիկի առողջության մասին չէի՞ն մտահոգվում, Հայաստանի կանանց ազգային հավաքականի գլխավոր մարզիչ Արտաշես Ներսիսյանը պատասխանեց. «Նազիկ Ավդալյանն առողջության հետ կապված ոչ մի խնդիր այլեւս չունի: Հիմա նրա ողնաշարն ավելի ամուր է, քանի իմը եւ ձերը»:
Արտաշես Ներսիսյանի հետ ամբողջական հարցազրույցը՝ «Առավոտ» օրաթերթի վաղվա համարում
Կարդացեք նաև
Աշոտ ՀԱԿՈԲՅԱՆ
