Աշխատավորների համերաշխության միջազգային օրը` մայիսի 1-ին, Իջեւանի տարածաշրջանի ավտովարորդները յուրահատուկ նվեր ստացան, սահմանամերձ տարածաշրջանի ավտոգազալցավորման ճնշման կայաններում (ԱԳԼՃԿ) մեկ խորանարդ մետր գազի գինը 180-ից դարձավ 200 դրամ:
Իջեւանցի վարորդները մեզ հայտնեցին, որ իրենք ԱԳԼՃԿ-ների աշխատակիցներին հարցրել են գազի թանկացման պատճառը: Վերջիններս ասել են, որ Հայաստանում շատ բան`սոլյարկան, ծխախոտը եւ այլն, թանկացել է, այդ պատճառով գազն էլ են թանկացրել:
Հավելենք, որ Ադրբեջանին սահմանակից Նոյեմբերյանի տարածաշրջանի ԱԳԼՃԿ-ներում գազի խորանարդ մետրը նախկինի նման վաճառվում է 200 դրամով:
Ոսկան ՍԱՐԳՍՅԱՆ
