Դատավոր Սիմիզար Հովսեփյանի ինքնաբացարկի միջնորդությունը դատարանը մերժեց: Այս պահին դատարանի խորհրդակցական սենյակում շարունակվում է Ժիրայր Սեֆիլյանին կալանավորել-չկալանավորելու հարցի քննարկումը:
Սեֆիլյանի պաշտպան Արա Զաքարյանը լրագրողների հետ զրույցում ասաց, որ քննիչը Ժիրայր Սեֆիլյանի կալանավորման համար հիմնավորում ներկայացրեց մեկ անձի ցուցմունքը, ինչն, ըստ փաստաբանի, ակնհայտ անբավարար է: Նրա խոսքերով, ինքը միջնորդել է, որ Ժիրայր Սեֆիլյանի խափանման միջոցը լինի գրավով ազատ արձակելը:
Սեֆիլյանի պաշտպանը դատարանին որպես գրավ առաջարկել է Սեֆիլյանին պատկանող երկու բնակարանն ու տասը միլիոն դրամ: Թե ինչ կորոշի դատարանը փաստաբանը դժվարացավ պատասխանել` նշելով, որ Հայաստանում հատուկենտ դատավորներ կան, որոնք արդարացի որոշում են կայացնում: Արա Զաքարյանը նաեւ նշեց, որ քննիչը դատարանում ներկայացրել է որպես կալանավորման հիմք, այն որ Ժիրայր Սեֆիլյանը հասարակության համար վտանգ է ներկայացնում` հիշեցնելով նաեւ անցյալ տարի ապրիլի 24-ին Սեֆիլյանի կալանավորումը:
Մանրամասները` տեսանյութում:
Կարդացեք նաև
Նելլի ԲԱԲԱՅԱՆ
