ԳԽ նախկին պատգամավոր Ազատ Արշակյանն Aravot.am-ի հետ զրույցում անդրադարձավ ոստիկանության տարածած հայտարարությանն ու տեսագրությանը՝ «Սասնա ծռեր» զինված խմբի մասին. «Այդ արարքը՝ օպերացիան, այնքան ծանր ու բարդ գործողություն է, որ դրա մեջ« եթե պարզվի, որ կան հարբեցողներ, փսիխոպատներ, թմրամոլներ, դրանք երկրորդական հարցեր են: Արդեն կարեւոր չի: Քարոզչության իմաստով դա թույլ փաստարկ է: Թե նրանք ինչ առողջական վիճակ ունեն՜ դա որեւէ մեկին չի հետաքրքրում: Գործողությունը ինքը մեզ կանգնեցրեց ծանր փաստի առաջ: Ես կարծում եմ, ուշացած բան է՝ այդքան բան գիտեիք՝ նրանց մեկուսացնեիք, բուժեիք»:
Հայտարարության մեջ ոստիկանությունը թվարկում է, որ «Սասնա ծռեր» խմբի մեջ կան մշտական աշխատանք չունեցող մարդիկ: Ազատ Արշակյանի խոսքերով՝ «Աշխատանքով ապահովեիք: Ինչ է, այդ ցուցակը մեղայակա՞ն է: Մեղայականով եք հանդես գալիս, որ՝ ժամանակին չենք բուժել, չենք մեկուսացրել, աշխատանքով չենք ապահովել, ներողություն ենք խնդրում ՀՀ քաղաքացիներից: Այսպես պետք է լիներ այդ ցուցակի վերեւում՝ ներողություն, որ մենք չենք ապահովել ձեր անվտանգությունը»:
Հռիփսիմե ՋԵԲԵՋՅԱՆ
30 արծաթդ առել ես սուս մնա, եթե իհարկե տվել են ոչ թե դեռ փորձում ես վաստակել․․․ ամոթ է գնա քաղբանտարկյալ Մերուժանից գոնե սովորի, թե չէ մեռար ԼՏՊ ից սկսած ռեժիմներ սպասարկել