«Սասնա ծռեր» խմբավորման՝ ՊՊԾ գունդը գրավելու ընթացքում հայտարարություն տարածվեց, թե ռուսական ԱԼՖԱ հատուկ ջոկատայիններն են եկել Հայաստան: Aravot.am-ը ԱԱԾ պետի նախկին տեղակալ Գուրգեն Եղիազարյանից հետաքրքրվեց, թե արդյոք հնարավո՞ր է համարում Ռուսաստանի Դաշնության նման ներգրավվածությունը:
Գուրգեն Եղիազարյանը պատասխանեց. «Էլի պետք է անդրադառնամ դասականին այն, որ ընտրվեց ակադեմիայի նախագահ՝ դուք պատկերացնո՞ւմ եք, թե մենք ինչ քոսոտ երկրում ենք ապրում, որպեսզի հարեւան երկրից հրավիրեն, որ «շտուրմ» կոչվածը գա, կատարի: Գետինը մտնենք՝ ավելի լա՞վ չի: Տեսեք, թե այս ամենը ինչպես օգտագործվեց հակառուսական գովազդ անելու համար, հակառուսական ոռնոց դնելու համար, որ գնդի տարածքում տեսել են ռուսական համարներով մեքենաներ: Լա՛վ, ասենք՝ ԱԼՖԱ-ն գալիս էր, պե՞տք է ռուսական համարով մեքենայով գար:
Հետո կարդում եմ՝ ռուսական ուղղաթիռներն անցան, նպատա՞կը այդ ուղղաթիռների: Չէ՞ որ այդ ուղղաթիռները միայն ռուսական արտադրության են, մենք «Ապաչի» չունենք ամերիկյան: Ո՞վ ստուգեց՝ ով է նստած այնտեղ: Մենք Սարի թաղում լսում ենք կոչ՝ մեր դեմ ռուսական ԱԼՖԱ-ն է, այնտեղից հայհոյանքներ են տիրում: Մարդկանց գիտակցության մեջ մնաց, ոչ պատրաստի մարդկանց, որ ռուսական ԱԼՖԱ-ն է այնտեղ եղել: Ռուսական ԱԼՖԱ-ն երբեք չի մասնակցի նման գործողությանը, ինչո՞ւ է պետք հակառուսականությունը տարածել: Սա ուղղորդված մի կանչ է միտված է վաղը, մյուս օրվան»:
Կարդացեք նաև
Ամի ՉԻՉԱԿՅԱՆ
