«Սա խոսում է Ադրբեջանի հատուկ նշանակության ջոկատի եւ նրա զինծառայողի պատկերի մասին»,- այսօր «Պոստ սկրիպտում» մամուլի ակումբում ասաց քաղաքագետ, «Կովկաս» ինստիտուտի փոխտնօրեն Սերգեյ Մինասյանն՝ անդրադառնալով Թալիշի հատվածում ադրբեջանական հերթական դիվերսիոն փորձին եւ մեր կողմից Ադրբեջանի հատուկ նշանակության ջոկատի զինվորի գերեվարման փաստին:
Իսկ Ադրբեջանի պաշտպանության նախարարության հայտարարություններն, ըստ բանախոսի, բավական զավեշտալի իրավիճակի մեջ դրեցին ադրբեջանական կողմին:
Ադրբեջանական կողմը հիշեցնենք, հայտարարել էր, որ գերեվարված ադրբեջանցի Էլնուր Հյուսեինզադեն, որպես կարգազանց զինծառայող, զորացրված է եղել զինված ուժերի շարքերից և ներկա ժամանակ տվյալ անձը հաշվառված չէ Ադրբեջանի զինված ուժերում:
Անհաջող դիվերսիոն ներթափանցման այս փորձը, քաղաքագետի կարծիքով, ցույց է տալիս թե շփման գծում ինչ լուրջ աշխատանք է կատարվել` թե տեխնիկական հագեցվածության, թե մարտական ծառայության հետ կապված: Ամեն դեպքում, այս դեպքը, բանախոսի կարծիքով լավ առիթ է Մինսկի խմբի եւ հայկական կողմի համար`ավելի կոշտ դիրքորոշում ցուցաբերել եւ պահանջել, որպեսզի Ադրբեջանը կատարի Վիեննայում եւ Սանկտ-Պետերբուրգում իր ստանձնած պարտավորությունները`շփման գծում վերահսկողական մեխանիզմների տեղադրման մասով:
Կարդացեք նաև
Սերգեյ Մինասյանը կարծում է, որ Ադրբեջանը շարունակելու է լարվածությունը պահել, որպես քաղաքական եւ հոգեբանական ճնշման միջոց: Մանավանդ, որ Ադրբեջանում մանաթը շարունակվում է արժեզրկվել, սոցիալ-տնտեսական վիճակը ծանրանալ, սա էլ կարող է պատճառներից մեկը լինել, որ Ադրբեջանը փորձի գնալ սահմաններում նոր լարումների: Այս ամենը, քաղաքագետի կարծիքով, հայկական կողմի համար պետք է ազդակ լինի`զսպիչ մեխանիզմների էլ ավելի ամրապնդման համար:
Թե ինչո՞ւ պիտի Մինսկի խումբը հիմա ավելի կոշտ դիրքորոշում արտահայտի, Aravot.am-ի հարցի պատասխանը`տեսանյութում
Անդրադառնալով ներքաղաքական հարցերին, քաղաքագետն ասաց, որ արդեն տեսանելի են հիմնական առաջատար ուժերը, վերադասավորումները ոչ միայն առհասարակ, այլ իշխանական տարբեր թեւերում: «Տեսականորեն դժվարանալու է ադմինիստրատիվ ռեսուրսի օգտագործումը, բայց սրանք կլինեն ամենաաղմկոտ ընտրությունները, կեղտոտ PR կլինի»:
Նախօրեին, ԲՀԿ նախագահ Նաիրա Զոհրաբյանը հայտարարել էր, որ իրեն ի դեմս հանձնաժողովի ԲՀԿ-ական անդամների, մահապարտների գունդ է հարկավոր: Սերգեյ Մինասյանը կարծում է, որ ավելի զիլ հռետորաբանության դեռ ականատես կլինենք:
Մանրամասները`տեսանյութում
Նելլի ԳՐԻԳՈՐՅԱՆ