Տարածքային ցուցակներով առաջադրված թեկնածուների ընտրապայքարը թեժանում է։ Շիրակի մարզի աղբյուրների փոխանցմամբ, լարվածություն կա ոչ միայն նախկին քաղաքապետ, «Ծառուկյան» դաշինքով առաջադրված Վարդան Ղուկասյանի եւ ՀՀԿ-ականների, այլեւ հենց ՀՀԿ-ի թեկնածուների միջեւ: Այս առնչությամբ մի քանի հարց ուղղեցինք ՀՀԿ-ի տարածքային թեկնածու Սուքիաս Ավետիսյանին:
-Ի դեպ, ընտրակաշառքի գինը Գյումրիում դեռ չի՞ բարձրացել։ (Հիշեցնենք, որ ԱԺ վերջին քառօրյայում Խոսրով Հարությունյանը, դիմելով ընտրակաշառքներից խոսող ընդդիմադիրներին, հայտարարեց. «Բայց ինձ զարմացնում է այն, որ նստած քաղաքական ուժերը ընտրակաշառքի մասին խոսում են կուսական կեցվածքով։ Գնացեք Գյումրիում հարցրեք՝ ով էր ընտրակաշառք բաժանում, և ով էր բարձրացրել ընտրակաշառքի գինը։ Գնացեք գյումրեցիներին հարցրեք, ու կպարզվի, որ ընտրակաշառքն այնպես չի, որ միայն վերագրում են իշխանական ուժին։ Բոլորը, առանց բացառության, այդ արատն օգտագործում են, եկեք դրա դեմն առնենք»)։
– Ընտրակաշառք բաժանողների չեմ տեսել, դրանք ընդամենը խոսակցություններ են։ Այդ ամենն իրական կլինի այն ժամանակ, երբ կոնկրետ մարդը գա, բաժանի ու գին բարձրացնի։
– Գյումրու քաղաքապետ Սամվել Բալասանյանը որոշել է սատարել Մարտուն Գրիգորյանին։ Այդ առումով ՀՀԿ-ի թեկնածուները նեղսրտած չե՞ն, քանի որ ՀՀԿ-ն ամեն ինչ արեց, որ Բալասանյանը նորից քաղաքապետ դառնա, իսկ նա սատարում է ոչ ՀՀԿ-ականի։
Կարդացեք նաև
– Բայց ո՞վ ասաց, որ մեզ էլ չի աջակցում։
– Փաստորեն, մի մարդը կարող է մի քանիսի՞ն աջակցել։ Այդ ինչպե՞ս, դա էլ հո կուսակցություն ու «ճակատի գիրը» փոխել չէ՞։
– Գյումրու քաղաքապետը ինձ էլ, Գրիգորյանին էլ, Ցոլակյանին էլ նորմալ աջակցում է։ Կառույցների հետ աջակցելու հստակ պայմանավորվածություն կա։
Ռուզան ԽԱՉԱՏՐՅԱՆ
Հոդվածն ամբողջությամբ կարող եք կարդալ «Իրատես» թերթի այսօրվա համարում
