Արմավիրի մարզի Արեւիկ համայնքի բնակիչների հետ հանդիպմանն այսօր «Կոնգրես-ՀԺԿ» դաշինքի թեկնածու, ՀԱԿ փոխնախագահ Լեւոն Զուրաբյանը ներկայացրեց դաշինքի ծրագրի՝ գյուղատնտեսությանն առնչվող դրույթները: Ըստ դրանցից մեկի՝ վարկառու գյուղացիների հանդեպ պետք է կիրառվի վարկային համաներում:
«Ներդնելու ենք կարկտահարման, ցրտահարման դեպքում գյուղացիական տնտեսությունների ապահովագրության պետական համակարգ: Այս լքվածությանն ու խուժանությանը պետք է վերջ տալ»,-նշեց Լեւոն Զուրաբյանը:
Այս ամենից առաջ, ըստ նրա, պետք է լուծել ՀՀ-ի՝ խաղաղության հասնելու հարցը. «Հասկացեք՝ պատերազմի վտանգը չափազանց բարձր է: Ապրիլյան պատերազմը գալիս է նրանից, որ Ադրբեջանը, փոխելով ռազմական հավասարակշռությունը, այն շրջում է իր օգտին: Չեմ ուզում չարագուշակ լինել, բայց շատ հնարավոր է, որ այս ընտրություններից հետո Ադրբեջանը սկսի պատերազմ»:
Կարդացեք նաև
Հիշեցնենք, որ ըստ դաշինքի՝ խաղաղության հնարավոր է հասնել Արցախյան հակամարտության լուծման փոխզիջումային տարբերակով (Մադրիդյան սկզբունքներ):
Մանրամասն՝ տեսանյութում:
Լուիզա ՍՈՒՔԻԱՍՅԱՆ
«շատ հնարավոր է, որ այս ընտրություններից հետո Ադրբեջանը սկսի պատերազմ»
այսինք, յայտնում էք արդէն թէ ՀԱԿ-ը չի հասնելու իշխանութեան…
(քանզի այլապէս, Ադրբեջանը կարիքը չունենար պատերազմ սկսելու, հասնելու համար իր նպատակներին)
(նօթ՝ պարզ է թէ այս մէկը Հայաստանով սահմանափակուած քաղաքական նիւթ չէ, այլ համահայկական խնդրիր)