Բաքվում ազատազրկման մեջ գտնվող բլոգեր Ալեքսանդր Լապշինը բուժում է անցնում Բաքվի քննչական մեկուսարանի բուժկետում: Այս մասին, ինչպես հայտնում է ՏԱՍՍ-ը, ասել է Լապշինի փաստաբան Էդուարդ Չերնինը:
Նրա խոսքով՝ ավելի վաղ Լապշինը բողոքում էր սրտի շրջանում ցավերից, այնուհետև տեղափոխվել է մասնավոր հիվանդանոց՝ բուժզննման, որտեղ նրան ախտորոշվել է հաճախասրտություն:
Փաստաբանը նշել է, որ այս պահին Լապշինն իրեն նորմալ է զգում: «Ես այսօր եղել եմ նրա մոտ, նա իրեն նորմալ է զգում»,- նշել է նա: Փաստաբանն առայժմ չի կարող ասել՝ երբ Լապշինին կտեղափոխեն բանտախուց:
«Մենք ինքներս ցանկանում ենք, որ նրան պահեն բուժկետում: Լավ կլինի, որ նա մնա բժշկական հսկողության տակ»,- ասել է Չերնինը:
Կարդացեք նաև
Փաստաբանը նաև հավելել է, որ առայժմ հայտնի չէ՝ երբ կսկսվի Լապշինի գործով դատական գործընթացը:
Պատրաստեց՝ Վիկտորյա ԱՆԴՐԵԱՍՅԱՆԸ
