Անչափ ուրախացա լսելով դրա հայտարարությունը։ Ինչո՞ւ։ Մի պարզ պատճառով. նախ եւ առաջ իր անկեղծության համար։ Երկրորդ, ավելորդ անգամ ապացուցեց, որ մնացել է կոլխոզի նախագահի մակարդակին։
Իր անկեղծությունը դրսեւորվեց դեռեւս այն ժամանակ, երբ Լապշինին էքստրադիցիայի ենթարկեց եւ երբ առուծախով էր զբաղվում։ Բացի այդ նա տառապում է սկլերոզով եւ մոռացել է, թե ինչով էին զբաղված Ալ. Մյասնիկյանը եւ մարշալ Հ. Բաղրամյանը, երբ օգնում էին բելոռուսներին։
Կարծում եմ, լավ առիթ է Լուկաշին, ինչպես նաեւ որոշ այլ «բարեկամների» բացատրել Հայաստանի տեղը։ Դրա համար ՀԱՊԿ անդամ-պետություններից պետք է պահանջել, որ դատապարտեն Լուկաշի հայտարարությունը, հակառակ դեպքում ՀՀ-ն պետք է կասեցնի իր անդամակցությունը ՀԱՊԿ-ում։ Այդ դեպքում գուցեեւ հասկանան։
Անկեղծության համար շնորհակալություն։ Ուստի, քանի որ դու շատ ես սիրում սեւ խավիար եւ կոնյակ, խոստանում եմ քեզ նվիրել ինքնարժեքով մի շիշ հայկական կոնյակ։
Կարդացեք նաև
Վ. ՊՈՂՈՍՅԱՆ
«Առավոտ» օրաթերթ
09.02.2022
