Ռուսաստանի և Իսրայելի քաղաքացի բլոգեր Ալեքսանդր Լապշինը բողոքարկել է Բաքվի դատարանի՝ կալանքը երկարաձգելու մասին վճիռը: Ինչպես հաղորդում է RIA Novosti գործակալությունը՝ վկայակոչելով բլոգերի փաստաբան Էդուարդ Չերնինին, բողոքարկումը դատարանը կքննի 10-ից 15 օրվա ընթացքում:
Ավելի վաղ Բաքվի դատարանը վճռել էր երեք ամսով երկարաձգել Լապշինի կալանքի ժամկետը:
«Իմ պաշտպանյալը, որը Բաքվի քննչական N1 մեկուսարանում է գտնվում, վերաքննիչ բողոք է ներկայացրել՝ կալանքը երեք ամսով երկարաձգելու դատարանի վճռի դեմ: Բողոքը կքննեն առաջիկա 10-15 օրերի ընթացքում»,-ասել է Չերնինը:
Հիշեցնենք, որ Լապշինը 2016թ. վերջին ձերբակալվել է Մինսկում՝ Ադրբեջանի հարցման հիման վրա, որը բլոգերին «սև ցուցակում է» ներառել Արցախ այցելությունների համար: Բելառուսի գլխավոր դատախազությունը, բավարարելով Ադրբեջանի հարցումը, Լապշինին արտահանձնել է Բաքվին:
Կարդացեք նաև
