Փողոցային առեւտուրը դանդաղ, բայց հաստատուն քայլերով «վերականգնվում է»:
Արդեն քանի օր է օրինակ՝ Տիգրան Մեծ եւ Մաշտոցի փողոցների վրա, քաղաքացիները վերսկսել են առեւտուրը: Ոմանք կանաչեղեն, ոմանք՝ թարմ եւ ապխտած ձուկ եւ ձեռքի աշխատանքներ էին վաճառում: Երեւանի քաղաքապետ Հայկ Մարությանի՝ բացօթյա առեւտուրն արգելող օրենքը գործի դնելուց կարճ ժամանակ անց, մարդիկ նորից «փողոց դուրս եկան»:
Մայրաքաղաքի բանուկ փողոցներում առեւտուրն այն ծավալների էր հասել, որ անգամ քաղաքացիներն էին դժգոհում: Քաղաքապետարանի արգելքը 1-2 ամիս աշխատեց: Թեեւ, մեր նշած փողոցներում 4-5 հատվածներում էին փողոցային առեւտուր ծավալողները, բայց ենթադրվում է, որ այն վարակիչ կդառնա:
Մի կողմից՝ մարդիկ ընդամենը օրվա հացի փող են աշխատում՝ դատելով առեւտրի տեսակից ու ծավալից, մյուս կողմից էլ՝ օրենքը բոլորի համար է:
Կարդացեք նաև
Լուսանկարները՝ Նելլի Բաբայանի
«Առավոտ» օրաթերթ
05.04.2019
