Aravot.am-ի տեղեկություններով, մի քանի օր առաջ թոշակի են ճանապարհել Շիրակի մարզի ծառայության գծով փոխոստիկանապետ Աշոտ Գրիգորյանին։ Նա ոստիկանության համակարգի հին, փորձառու աշխատակիցներից է, տարբեր պաշտոններ է զբաղեցրել․ եղել է Աշոցքի, Ախուրյանի ոստիկանապետ։
Վերջինս իր ծառայության ընթացքում աչքի է ընկել զուսպ բնավորությամբ, կոնֆլիկտներ հարթելու կարողությամբ։ Այդ պատճառով էլ բողոքի ցույցերի, համապետական միջոցառումների ժամանակ կարգուկանոնի հաստատումը մշտապես նրան են վստահել։
Գյումրեցիներին այդպես էլ անհայտ մնաց, թե ինչո՞ւ էր փոխոստիկանապետը «Մուշ» բաժնի այն ժամանակվա պետ Խորեն Բարխոյանի հետ մտել գործարար Գարիկ Ուզունյանին՝ «Շեկոյին» պատկանող «Կռունկ» սննդի արագ կետ ու հայհոյանքներ հնչեցրել։ Նշենք, որ Գարիկ Ուզունյանը հայտնի է իր ընդդիմադիր քաղաքական հայացքներով։
Այս միջադեպից հետո երկու ամիս անց փոխոստիկանապետին ուղարկեցին թոշակի, թեև նա իրոք թոշակային տարիքում էր։
Կարդացեք նաև
Նրա փոխարեն Շիրակի փոխոստիկանապետ է նշանակվել Սարգիս Ուռուշանյանը, որը զբաղեցնում էր Գյումրի քաղաքի «Մուշ» բաժնի փոխոստիկանապետի պաշտոնը։
Նունե ԱՐԵՎՇԱՏՅԱՆ
տարոսը սրա անմիջական ղեոկավար Վահմար Ենգոյանին, ով էաքցրեց իր եղբոր տղաների մարդասպանությունը: