«Արմնյուզ FM» ռադիոկայանի տնօրեն Լիլիթ Թումանյանի կարծիքով, «Հեռուստատեսության եւ ռադիոյի մասին» օրենքի նախագիծը, որը մշակվել էր լրագրողական կազմակերպությունների կողմից եւ լրագրողական հանրույթի շրջանում միանշանակ չի ընկալվել, երեք դրդապատճառ կար կազմելու:
Հիշեցնենք, «Մեդիա պաշտպան» նախաձեռնությունը մեդիաոլորտի ներկայացուցիչների մասնակցությամբ այսօր քննարկում էր կազմակերպել «Հեռուստատեսության և ռադիոյի մասի» նոր օրինագծի սկզբունքների շուրջ:
Առաջինը, ըստ Լիլիթ Թումանյանի, այն է, երբ ոլորտի մասնագետները զգում են, որ գործող օրենքով իրենց համար աշխատելը ավելի դժվար է եւ օրենսդրական փոփոխությունների արդյունքում ոլորտի բարելավում տեղի կունենա, նախաձեռնում են: Երկրորդը՝ երբ իշխանությունները փորձում են քաղաքական իրողություններ ստեղծել, կազմում են օրենքի նախագծեր, սակայն դա քննարկում են ԶԼՄ ներկայացուցիչների հետ: Եվ երրորդը՝ երբ օրենքի նախագիծ է գրվում ինքնանպատակ, երբ որոշ աղբյուրներից դրամական միջոցներ են տրամադրվում և մի քանի ՀԿ ինքնանպատակ փորձում է օրենքի նախագիծ ներկայացնել, որ պարզապես ասի, թե ոլորտը բարելավվել է: Լիլիթ Թումանյանը վստահ է, որ վիճելի նախագիծը կազմվել է հենց երրորդ սկզբունքով:
Իբրեւ ռադիոկայանի տնօրեն, բանախոսն ասում է, որ նոր օրենքի կարիք չկա, քանի որ ռադիոկայանները շարունակում են աշխատել անալոգային տարբերակով, իսկ նոր օրենքը ավելի կխճճի դաշտը: Որ օրենքում փոփոխություններ պետք են, նա չի վիճում:
Կարդացեք նաև
Այլ մանրամասները`տեսանյութում
Նելլի ԳՐԻԳՈՐՅԱՆ
