Aravot.am-ը ԵՊՀ պատմության ֆակուլտետի դեկան Էդիկ Մինասյանից հետաքրքրվեց, թե ինչ կարծիքի է Պոլսո հայոց պատրիարք Սահակ եպիսկոպոս Մաշալյանի` թուրքական «Sabah» թերթին տված հարցազրույցի մասին, որտեղ նա խոսել էր նաեւ ԱՄՆ-ի Սենատում Հայոց ցեղասպանության բանաձևի ընդունման մասին ու ասել, որ որպես Թուրքիայի հայեր` իրենց ցավ է պատճառում, որ 100 տարի առաջ այս հողերում տեղի ունեցած ցավալի դեպքերը այլ երկրների խորհրդարաններում օգտագործվում են որպես ռազմավարական, տնտեսական, քաղաքական ճնշման միջոց։
«Նա նաեւ հետագա ընտրվելու խնդիր ունի, հավանաբար զգուշություն է ցուցաբերում, բայց իմ կարծիքով պետք չէ այդ աստիճանի զգուշություն ցուցաբերել: Պետք է համարձակություն ունենալ եղած փաստը արձանագրելու: Ինչ վերաբերում է Պոլսո պատրիարքարանին, այն Թուրքիայում միշտ էլ էրդողանի ազդեցության գոտում եղել է, այժմ իր հեռանկարներից ելնելով` Պոլսո հայոց պատրիարք Սահակ եպիսկոպոս Մաշալյանը փորձում է զգուշություն ցուցաբերել, բայց զգուշությանն էլ չափ կա, նա պատասխանատու է իր համայնքի համար»,-ասաց Էդիկ Մինասյանը:
Գոհար ՀԱԿՈԲՅԱՆ
