Լրահոս
Օրվա լրահոսը

Քոչարյանի որդին՝ Փաշինյանի մասին. «Ղեկավարի նման պահվածքն ու խոսելաոճն առաջին հերթին վնասում են մեր պետությանը»

Հունվար 28,2020 17:21

«Եթե ժամանակագրական առումով նայենք, պարզ կլինի, թե ինչից սկսվեց այս ամենը, թե երբ իշխանությունը սկսեց հասկանալ, որ Սահմանադրական դատարանը պետք է փոխվի: Դա ուղիղ կապ ունի հորս գործի հետ՝ նախորդ տարվա մայիսից սկսված, երբ գործն ուղարկվեց ՍԴ: Այդ ժամանակվանից սկսվեց ՍԴ դատավորներին թիրախավորելու գործընթացը»,-լրագրողների հետ զրույցում այսօր ասաց Մարտի 1-ի գործով սահմանադրական կարգի տապալման համար մեղադրվող ՀՀ երկրորդ նախագահ Ռոբերտ Քոչարյանի որդին՝ Լեւոն Քոչարյանը:

«Հետո հրաժարական տվեց ԱԱԾ տնօրենը: Ինձ թվում է՝ այս ամենն ինչ-որ շարունակական գործընթացի տարր է»,-կարծիք հայտնեց նա:

Լեւոն Քոչարյանն անդրադարձավ նաեւ հարցին, թե իր դիտարկմամբ՝ ինչպիսի՞ հանգուցալուծում կունենա Սահմանադրական դատարանի շուրջ իրավիճակը. «Չեմ կարող ասել, թե որքանով տեղի կտան այն հսկայական ճնշումներին, որոնք գործադրվում են ՍԴ դատավորների հանդեպ: Երկրի ղեկավարի նման պահվածքը, խոսելաոճն ու անպատասխանատու հայտարարություններն առաջին հերթին վնասում են մեր պետությանը»:

Հարցին՝ «անպատասխանատու հայտարարություն» ասելով նկատի ունեք Հրայր Թովմասյանի գրիչի պատմությո՞ւնը», Լեւոն Քոչարյանը դրական պատասխան տվեց եւ կատարվածը տհաճ պատմություն որակեց. «Անկեղծ, առանց չարախնդալու եւ անձնավորելու, կարծում եմ՝ սա լավ չէ մեր պետության համար: Կարծես ես էլ ամաչեմ սրա համար, բոլորիս ամոթն է, որ այսքան ցածրացել է քննարկումների մակարդակը, խոսելաոճը»:

Լուիզա ՍՈՒՔԻԱՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունվար 2020
Երկ Երե Չոր Հնգ Ուրբ Շաբ Կիր
« Դեկ   Փետ »
 12345
6789101112
13141516171819
20212223242526
2728293031