Ադրբեջանի առաջին փոխնախագահ Մեհրիբան Ալիևան Վատիկանում պարգևատրվել է Պիոս Պապի ասպետական ուխտի Մեծ Խաչի շքանշանով, որը բարձր պարգև է համարվում և շնորհվում է Հռոմի պապի կողմից բարձրաստիճան պաշտոնյաներին և պետական գործիչներին: Շքանշանն Ալիևային հանձնել է Սուրբ Աթոռի պետքարտուղար, արքեպիսկոպոս Պիետրո Պարոլինին:
Ինչպես հաղորդում է moscow-baku.ru կայքը, Ալիևան շքանշանի է արժանացել մշակույթի զարգացման գործում ունեցած ներդրման համար: Հեյդար և Մեհրիբան Ալիևաները հանդիպել են նաև Հռոմի պապ Ֆրանցիսկոսի հետ:
Պիոս Պապի ասպետական ուխտի Մեծ Խաչի շքանշանը հիմնվել է 1847թ., շնորհվում է հասարակության և հոգևոր կյանքի զարգացման գործում ունեցած ներդրման համար: Պարգևին արժանացել են թագավորական ընտանիքների ներկայացուցիչներ, Իտալիայի գործող նախագահը և այլ բարձրաստիճան անձինք:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
