Այսօր առաջարկում եմ թեթեւ, շատ համեղ եւ թարմացնող աղցանի մի բաղադրատոմս:
Անհրաժեշտ մթերքները
Թարխուն-3-4 կապ
Ընկույզ-15-20 հատիկ
Կարդացեք նաև
Նռան հատիկներ- կես բաժակ
Թթվասեր- կես բաժակ
Ձիթապտղի յուղ-3 ճաշի գդալ
Սեւ պղպեղ, աղ՝ ըստ ճաշակի
Պանիր- 50 գրամ (պարտադիր չէ)
Պատրաստման եղանակը
Թարխունը լավ լվանալ եւ չորացնել: Տերեւներն ազատել ցողուններից, լցնել խորն ամանի մեջ:
Ընկույզը կտրատել, նռան հատիկների հետ միասին ավելացնել թարխունին:
Առանձին ամանի մեջ իրար հետ լավ խառնել թթվասերը, ձիթապտղի յուղը, սեւ պղպեղն ու աղը: Այս թանձրուկը լցնել թարխունի վրա: Եթե ցանկանում եք՝ կարող եք պանիր էլ ավելացնել, բայց պարտադիր չէ:
Լավ խառնեք եւ մատուցեք:
Բարի ախորժակ:
Պատրաստեց Մելանյա ԲԱՐՍԵՂՅԱՆԸ
