«Մի կատարեք ապօրինի հրահանգներ, վաղը ուշ է լինելու»,-այս հորդորով այսօր Երեւանի ընդհանուր իրավասության դատարանի Շենգավիթ նստավայրի մոտ իրավապահներին դիմեց ՀՅԴ անդամ Արծվիկ Մինասյանը:
«Այսպես շարունավելու դեպքում վաղը բոլորը դառնալու են գաղթական: Սա վերջն է արդեն: Փոխանակ Նիկոլն ու իր խմբակը գիտակցեն ու ժամ առաջ հեռանան, փորձում են երկրում վախի, սպառնալիքի մթնոլորտ ստեղծել, փորձում են երկրում ահաբեկչական միջավայր ձևավորել՝ առանց գիտակցելու, որ այդ ահաբեկչությունն առաջին հերթին իրենք իրենց վրա են կիրառելու: Ի՞նչ է նշանակում պատրաստել խմբեր ու այդ մարդկանց փորձել մղել տարբեր հավաքներում խժդժություններ մտցնելու», – ասաց ասաց նա:
Արծվիկ Մինասյանը նաեւ հարց հնչեցրեց. «Ղարաբաղցու և հայաստանցու տարանջատմամբ հայի արյո՞ւն են ուզում թափել: Սրանք գիտակցո՞ւմ են՝ ինչ ճանապարհ են ընտրել»:
Անդրադառնալով «Հայրենիք» կուսակցության նախագահ Արթուր Վանեցյանին, ՀՀԿ ԳՄ անդամ Վահրամ Բաղդասարյանին, ՀՅԴ անդամ Աշոտ Ավագյանին առաջադրված մեղադրանքներին, նույն կասկածանքով ձերբակալված «Սիսական» ջոկատի հրամանատար Աշոտ Մինասյանին մեղսագրվող արարքին էլ, «Հայրենիք» կուսակցության խորհրդի անդամ Արա Սահակյանն էլ ասաց, որ այսօր փողոցում բոլորն են խոսում Նիկոլին վերացնելու մասին: Փողոցում մի երիտասարդ է նրան մոտեցել եւ ասել՝ «գործ արեք, նրան պետք է վերացնել»:
Կարդացեք նաև
Արա Սահակյան
Արա Սահակյանն ասում է. «Ես լսել եմ այդ խոսքերը, դե ինձ էլ մեղադրանք առաջադրեք»:
Խաչիկ Գալստյան
«Հայրենիք» կուսակցության խորհրդի անդամներ Խաչիկ Գալստյանն ու Վարդան Ոսկանյանն էլ իրենց ելույթներում ասացին, որ Ալիեւի առաջ «վիզը ծուռ նստած», դաժան պարտություն կրած, ազգը, երկիրը խայտառակած Նիկոլ Փաշինյանը չի կարող շարունակել իր պաշտոնավարումը: Նրանք վստահ են, որ Նիկոլ Փաշինյանի «օրերը հաշված են»:
Վարդան Ոսկանյան
Մանրամասները՝ տեսանյութում
Նելլի ԳՐԻԳՈՐՅԱՆ
