«Մասնագետները բացատրում են, որ սահմանը չի որոշվում ոչ մեկ մարդու, ոչ էլ մեկ կառույցի կողմից: Որ սահմանազատման աշխատանքները պետք է տարվեն միջպետական հանձնաժողովների միջոցով, որտեղ պետք է ներգրավվեն տարբեր ոլորտների մասնագետներ: Որ սահմանազատման գործընթացն արվում է միջպետական պայմանագրերի կամ միջկառավարական համաձայնագրերի հիման վրա։ Որ սահմանազատումից առաջ պետք է ուսումնասիրվեն նախկինում գոյություն ունեցած բոլոր նյութերը, քարտեզները, տեքստային, այլ տիպի տվյալները: Որ պետք է ճշգրտեն, թե սահմանային կոորդինատները ինչ թույլատրելի շեղում են ունենալու, նույնիսկ՝ թե ինչ սարքավորումներով, մեթոդներով են աշխատելու: Որ GPS-ը կախարդական փայտիկ չէ, որ քո փոխարեն աշխատի, եւ սահմանը որոշում է ոչ թե այդ գործիքը, այլ՝ այդ գործիքը կիրառող մասնագետը:
Այսօր չկա «Գեոդեզիա եւ քարտեզագրություն» ՊՈԱԿ-ը, սակայն կան մասնագետներ, ովքեր պատրաստ են ներգրավվելու սահմանազատման աշխատանքներին եւ պաշտպանելու հայկական շահերը։ «ՀՀ»-ի հետ զրույցում մասնագետներից Շահեն Շահինյանը տեղեկացրեց, որ նոյեմբերի 23-ի իր բաց նամակը ուղարկել է նաեւ ՀՀ վարչապետի աշխատակազմ, եւ այն վերահասցեագրվել է Կադաստրի կոմիտեին: Կոմիտեից պատասխանել են. «Հայտնում ենք, որ Ձեր կողմից նշված բոլոր աշխատանքները կատարվում են ժամանակին, ըստ հավուր պատշաճի եւ սահմանված ընթացակարգերով…»»:
Արմենուհի ՄԵԼՔՈՆՅԱՆ
Հոդվածն ամբողջությամբ՝ «Հայաստանի Հանրապետություն» օրաթերթի այսօրվա համարում
