Դեկտեմբերի 1-ին Երևանում տեղի ունեցած ցույցի ժամանակ ոստիկանությունը խոչընդոտել է լրագրողների աշխատանքը և փորձել բերման ենթարկվել «Երկիր Մեդիա» հեռուստաընկերության օպերատոր Հայկ Սուքիասյանին: Լրագրողների եվրոպական դաշնությունը (EFJ) միացել է Հայաստանում իր հետ փոխկապակցված Ժուռնալիստների միությանը՝ խստորեն դատապարտելով այդ միջադեպը և կոչ անելով իշխանություններին քննել այդ գործը, ասվում է EFJ-ի հաղորդագրության մեջ:
«Երկիր Մեդիայի» քաղաքական և լրատվական ծրագրերի տնօրեն Գեղամ Մանուկյանը (որը ցույցերին մասնակցում է ոչ որպես լրագրող) պատմել է, որ ոստիկանությունը բերման է ենթարկել Սուքիասյանին և ուժով նստեցրել մեքենան, կարճ ժամանակ անց նա ազատ է արձակվել: Բախման հետևանքով հեռուստաընկերությանը պատկանող տեսախցիկը կոտրվել է: Ոստիկանությունից լրագրողներին ասել են, որ բերման ենթարկելու փորձը եղել է պատահականություն:
