«Ալյանս» կուսակցության հիմնադիրներից Աշոտ Գալստյանը կուսակցության արտահերթ համագումարում անդրադառնալով առկա իրավիճակին առնչվող մի քանի հարցերի՝ առաջինը համարեց անվտանգության հարցը:
«Գաղտնիք չէ, որ մեր զինված ուժերը կարիք ունեն նորագույն զինատեսակներով մեծ համալրման, այսօր քննարկվում է այդ հարցը, որ բանակը պետք է զինել հինգերորդ սերնդի զինատեսակներով, եւ քայլերն արդեն արվում են, բացվում են դրոնների կառավարման ուսուցողական կենտրոններ, բայց պետք է նայենք առաջ՝ համախմբելով կարող ուժերի պոտենցիալը եւ ունակությունները, ստեղծենք վեցերորդ եւ յոթերորդ սերնդի զինատեսակներ, որպեսզի այլեւս չուշանանք, չլինեն մեծաթիվ զոհեր»,-ասաց բա:
Աշոտ Գալստյանը խոսեց նաեւ տնտեսության հզորացումից. «Շատ վերլուծաբանների կարծիքով, մենք դրանք կարող ենք հասնել մեր ռազմավարական գործընկեր Ռուսաստանի Դաշնության հետ՝ փոխշահավետ նյութական համագործակցության պայմաններով, չշրջանցելով նաեւ այլ երկրների, որոնք հանդիսանում են ՀԱՊԿ եւ ԵԱՏՄ անդամ: Այդպիսով, մեզ համար միանգամից շատ խնդիրներ կլուծվեն»:
Նա օրինակներ բերեց. «Օրինակ, էներգակիրներն ավելի մատչելի գներով ստանալը… Միայն այդ հանգամանքը բավական մեծ ազդեցություն կթողնի մեր տնտեսության վրա, չհաշված անվտանգությունը՝ ներառյալ ռազմական կոնտինգենտի միասնական ուժերով ՀՀ-ի եւ Արցախի սահմանների պահպանությունը:
Կարդացեք նաև
Եվ վերջում՝ ՀՀ օրենսդրությունը պետք է փոխել այնպես, որ կարողանանք օգտագործել Սփյուռքի ներուժը փոխշահավետ պայմաններով, ներգրավենք ունակ եւ փորձառու կառավարիչների՝ ճգնաժամից երկիրը հանելու համար: Դա չի նշանակում, որ Հայաստանի ներուժը չի օգտագործվի, պետք է ընդամենը ճիշտ կադրային քաղաքականություն իրականացնել»:
Գոհար ՀԱԿՈԲՅԱՆ
