ՀՀ կառավարության ծրագրի կատարման 2020թ․-ի ընթացքի մասին զեկույցի ներկայացումից հետո լրագրողները ԱԺ փոխխոսնակ Ալեն Սիմոնյանին հարցրեցին՝ ունենք զոհեր, գերեվարվածներ, Արցախի կորուստ, այս իրավիճակում ինչո՞ւ էիք ծափահարում հոտնկայս: Նա պատասխանեց. «Որովհետեւ Հայաստանը, Արցախը ապագա ունի: Եթե կա մարդ, որը մտածում է՝ Հայաստանը, Արցախը ապագա չունի, ուրեմն հաջողություն այդ մարդկանց»:
Հարցին ի պատասխան՝ Նիկոլ Փաշինյանի քաղաքականությունն ապագա ունի՞՝ Ալեն Սիմոնյանը սկսեց բղավել, թե Սերժ Սարգսյանի, Ռոբերտ Քոչարյանի քաղաքականությունը ապագա չունի, իսկ ՀՀ-ն ու Արցախը ապագա ունեն. «Ծափահարություններ բոլորին»:
Նա լրագրողների վրա սկսեց գոռգոռալ, թե ձեր մեծարման երեկոն չի եւ այլն:
Լրագրողները ճշտեցին՝ Հայաստանն ու Արցախը թուրքերի՞ հետ ունի ապագա, թե՞ առանց թուրքերի՝ նա պատասխանեց. «Թուրքերի հետ ապագա ունեն այն մարդիկ, որոնք 25 տարի վաճառել են: Այդ մարդկանց անունները հայտնի են: Թուրքիայի հետ ապագա ունեցել են եւ կառուցել են այն մարդիկ, ովքեր Արցախը եւ պատերազմը տանուլ են տվել: Դրա պատասխանը դահլիճում տրվեց»:
Կարդացեք նաև
Նորից կրկնելով Փաշինյանի խոսքերը եւ ծափ տալով՝ Ալեն Սիմոնյանը մտավ նիստերի դահլիճ, մեկ վայրկյան անց դուրս եկավ՝ ասելու. «Մեր օրոք ոչ մի բան չի հանձնվել, հանձնվել է այն ժամանակ»:
Մանրամասները՝ տեսանյութում
Հռիփսիմե ՋԵԲԵՋՅԱՆ
«…Տռճինկ Պեպկան դատարանում իրեն պահել էր ինչպես արոտատեղում կամ հարևանների մոտ, բոլոր հարցերին պատասխանել էր այծի պես մկկալով, իսկ դատավճիռը կարդալիս բղավել էր «Մե-եե՜… հո՛պ» և տռճինկ էր տվել։»
Յարոսլավ Հաշեկ «Քաջարի զինվոր Շվեյկի արկածները»