ԱԺ-ում ապրիլյան պատերազմի հանգամանքներն ուսումնասիրող քննիչ հանձնաժողովի դռնփակ նիստից հետո «Լուսավոր Հայաստան» խմբակցության ղեկավար Էդմոն Մարուքյանը լրագրողների հետ զրույցում ասաց. «Հանձնաժողովը մեծ աշխատանք է իրապես կատարել: Չեմ կարող ասել, որ զեկույցից գոհ եմ: Զեկույցն ունի որոշակի թերություններ, որոնց մասին խոսեցի փակ ռեժիմով: Մի օրինակ բերեմ՝ եթե այսօրվա ԳՇ պետը, ըստ զեկույցի եւ նաեւ ըստ Անդրանիկ Քոչարյանի հարցազրույցների՝ մեղավորներից է, նա հիմա չպետք է լիներ ԳՇ պետ: Դա ինձ համար կարեւոր սիգնալ է, ինդիկատոր է, որ եթե այդպես է՝ մենք չունենք անկողմնակալ քննություն այս մասով: Ով պետք է՝ չի մեղադրվի նման բաների մեջ, որ այս եղավ քո պատճառով, այն եղավ, իսկ ով որ հակառակ ճամբարում է՝ նա կմեղադրվի»:
Մարուքյանն ասաց, որ հիմա ապրիլյան պատերազմի թերությունները չպետք է գաղտնի պահվեն, ուստի իրենք էլ լոբբինգ կանեն, որ հրապարակվի:
Հռիփսիմե ՋԵԲԵՋՅԱՆ