Այս ուտեստը որքան գեղեցիկ է, նույնքան էլ համեղ է: Սմբուկն առանց մսի լցոնելու շատ լավ տարբերակ է:
Անհրաժեշտ մթերքները
Սմբուկ- 3 հատ (ցանկալի է վերցնել հաստլիկ, հնարավորինս կլորավուն սմբուկներ)
Մոցարելա- 1 գունդ կամ ֆետա- 100 գրամ
Կարդացեք նաև
Լոլիկ-1-2 հատ
Ձիթապտղի յուղ-4-5 ճաշի գդալ
Սխտոր-3-4 պճեղ
Թարմ կանաչիներ՝ մաղադանոս, համեմ, անանուխ՝ մի քանի ճյուղ
Պարմեզան-50 գրամ
Հացի կամ պաքսիմատի փշրանքներ- կես բաժակ
Աղ, պղպեղ՝ ըստ ճաշակի
Պատրաստման եղանակը
Սմբուկները լվանալ: Երկայնակի կտրել մինչեւ հիմքը եւ բացել, որ ստանա հովհարի տեսք: Արանքները աղ անել, թողնել 5-7 րոպե, մինչեւ հեղուկը դուրս տա:
Մինչ այդ լվանալ լոլիկը: Կլոր շերտատել: Մոցարելան կամ ֆետան նույնպես կտրատել խոշոր կտորներով: Առանձին ամանի մեջ իրար խառնել հացի փշուրներն ու քերած պարմեզանը: Մեկ այլ ամանի մեջ լցնել ձիթայուղը, մեջը լցնել մանր կտրատած սխտորն ու կանաչիները:
Թղթե սրբիչով լավ մաքրել սմբուկներըի շերտերը, որպեսզի ողջ խոնավությունն անցնի: Կանաչիով եւ սխտորով ձիթայուղով լավ պատել սմբուկները՝ բոլոր շերտերով եւ վրայից: Արանքներում շարել շերտատած պանիրներն ու լոլիկները:
Վերջում վրան լցնել պաքսիմատի եւ պարմեզանի խառնուրդը: Դնել 220 աստիճան տաքացրած ջեռոցը 30-40 րոպեով:
Բարի ախորժակ:
Պատրաստման մանրամասները՝ տեսանյութում.
Պատրաստեց Մելանյա ԲԱՐՍԵՂՅԱՆԸ
