8-րդ գումարման Ազգային ժողովի անդրանիկ նիստն է այսօր, որը վարում է ամենատարեց պատգամավորը՝ Կնյազ Հասանովը: «Հայաստան» դաշինքի անդամները ակցիա են իրականացնում հենց առաջին նիստին ու խմբակցության բոլոր պատգամավորները եկել են միեւնույն շապիկով՝ կալանավորված թեկնածուների պատկերով:
The first session of the RA National Assembly’s 8th convocation has started
Ուշագրավ էր Ամենայն Հայոց կաթողիկոս Գարեգին Բ-ի ելույթը: Տերունական աղոթքից հետո կաթողիկոսն ասաց. «Այսօր մեր հայրենիք Հայաստան ու Արցախը դիմակայում են արտաքին ու ներքին լուրջ մարտահրավերների՝ հանդիման Ադրբեջանի կողմից շարունակվող ագրեսիայի ու ծավալապաշտական նկրտումների: Հրամայական է պետական, քաղաքական գործիչների եւ ողջ հասարակության համախմբումը, քաղաքացիական պատասխանատվության բարձր գիտակցումը, համընդհանուր զգաստություն ու բարեխղճությունը: Բոլորիս փափագն ու ձգտումն է մեր հայրենիքի անվտանգությունն ու առաջընթացը, խաղաղ, բարեկեցիկ կյանքի կերտումը, որը մեծապես պայմանավորված է նաեւ օրենսդիր մարմնի ու ձեւավորվելիք կառավարության գործունեությամբ»:
The first session of the RA National Assembly’s 8th convocation has started
Կաթողիկոսը Աստվածաշնչից մեջբերում արեց. «Երանի նրանց, ովքեր իրավունքն են պահում ու ամեն ժամ արդարություն գործում: Արդարությունն ու օրինականությունն են գրավականը երկրի ու ժողովրդի բարօրության ու հարընթաց բարգավաճման: Օրենսդրական ձեր գործունեությունը արդարության եւ իրավունքի գերակայությամբ միտված պետք է լինի ձեւավորելու անհրաժեշտ միջավայր ու հնարավորություններ՝ մեր պետության հզորության, ապահովության, մեր երկրի արժանապատիվ կյանքի համար»:
Անդրադառնալով երկրում տիրող ներկայիս ծանր իրավիճակին՝ կաթողիկոսն ասաց, որ կենսականորեն պետք ունենք միասնության, հանդարտության, հուզումների ու լարվածության թոթափման՝ ատելության, վրեժխնդրության ու պառակտումների փոխարեն: Ազգային, հասարակական համերաշխությանը այլընտրանք չկա: Առաջնահերթորեն եւ այս խորհրդարանից կառավարական համակարգից պիտի սերմանվի սերը, փոխհասկացողությունը, բարիկամեցողությունը: Խորհրդարանական գործունեության ընթացքում հնչող քննադատությունները թող լինեն միայն կառուցելու եւ սխալները շտկելու նպատակով, ծավալվող բանավեճերը՝ ճշմարտությունը գտնելու. «Քաղաքական հայացքների եւ տեսակետների բազմակարծությամբ հանդերձ մեր հայրենիքի եւ ժողովրդի լուսավոր ապագայի կերտման նույն ձգտումով աշխատեք համախումբ»:
Կարդացեք նաև
Հռիփսիմե ՋԵԲԵՋՅԱՆ
