«Մեր ընդդիմադիր գործիչները չգիտես, թե ինչու են ընդհանրապես վերցրել մանդատները, եթե ամեն հարցի վերաբերյալ պետք է լքեն նիստերի դահլիճը ու հետո էլ հպարտությամբ հայտարարեն, որ իրենց պարգեւավճարը կամ աշխատավարձը տալիս են ուրիշներին: Բնական է, որ պետք է տան, որովհետեւ եթե այսպես շարունակվեց, կարելի է ընդհանրապես զրկել»,- այսօր ԱԺ արտահերթ նիստում համայնքների խոշորացման հարցի քննարկման ժամանակ հայտարարեց ՔՊ պատգամավոր Սիսակ Գաբրիելյանը:
Հիշեցնենք, որ ընդդիմադիր խմբակցությունները նիստի մեկնարկին բոյկոտել էին այն: «Հայաստան» խմբակցության քարտուղար Արծվիկ Մինասյանը հայտարարեց, որ այսօրվա օրակարգում մի հարց կա, որը հստակ հանցագործություն են համարում ու չեն ուզում մասնակցել անօրինականությանը:
Օրակարգում Վարչատարածքային բաժանման մասին օրենքի նախագիծն է, որով Հայաստանի 441 համայնք առաջարկվում է միավորել 37 համայնքային փնջերի կամ միավորումների մեջ:
ՔՊ-ական Վահե Ղալումյանն ասաց, որ եթե ընդդիմությունը ԱԺ-ում պետք է ներկայացնի հակառակ կարծիք ու չի անում՝ դա արդեն իրենց խնդիրն է:
Կարդացեք նաև
Հռիփսիմե ՋԵԲԵՋՅԱՆ
