Նոյեմբերի 11-ին կայացած Մեղրի համայնքի նորընտիր ավագանու առաջին նիստում համայնքի ղեկավար ընտրվեց «Հանրապետություն» կուսակցության անդամ Բագրատ Զաքարյանը։ Վերջինս ստացավ 8 կողմ ձայն. 6 ձայն նրան տվեցին կուսակիցները, իսկ 2 քվե՝ «Ազատական»-ից ընտրված ավագանու անդամները։
Օրեր առաջ Բագրատ Զաքարյանն ու «Ազատական» կուսակցության ցուցակը գլխավորող Խաչատուր Անդրեասյանը ստորագրել էին հուշագիր, ըստ որի` երկուսուկես տարին Մեղրի համայնքը կառավարելու է Բագրատ Զաքարյանը, մյուս երկուսուկես տարին` Խաչատուր Անդրեասյանը։
Բացի Բագրատ Զաքարյանից` առաջադրվել էին «Քաղաքացիական պայմանագիր» կուսակցությունից Արարատ Թումանյանը, որը ստացավ իր կուսակիցների ձայները 5 քվե: «Ապրելու երկրից» առաջադրված Արմեն Հայրապետյանը ստացավ երկու քվե։
Մեղրիի ավագանին բաղկացած է 15 անդամից։ Ըստ «Ազատական» եւ «Հանրապետություն» կուսակցության ներկայացուցիչների պայմանավորվածության՝ համայնքի ղեկավարի տեղակալը նշանակվելու է «Ազատական»-ից։
Կարդացեք նաև
Արմեն ԴԱՎԹՅԱՆ