Հիվանդությունների վերահսկման եւ կանխարգելման ազգային կենտրոնի ներկայացուցիչն այսօր Երեւանի քաղաքապետարանում տեղի ունեցող գործակարգավարական խորհրդակցության ժամանակ հայտնեց, որ մեկ շաբաթվա ընթացքում արձանագրվել է աղիքային վարակների 25 դեպք, ջրծաղիկի՝ 172, թոքաբորբով ուղեկցվող սուր շնչառական վարակների՝ 71 դեպք:
Ըստ նրա, սննդային թունավորումների դեպքեր Երեւանում չեն արձանագրվել, կորոնավիրուսի վարակի դեպքերը 5 հազար 82-ն են եղել, դրան նախորդող շաբաթվանը՝ 9 հազար 360-ը:
Սննդամթերքի անվտանգության տեսչական մարմնի ներկայացուցիչը հայտնեց, որ տեսչական մարմնի թեժ գծին ստացել են 10 ահազանգ, որոնք առնչվել են սննդամթերքի մակնշման եւ պահման պայմաններին: Տեսչության պաշտոնյան նշեց, որ բոլոր ահազանգերի հետքերով գնացել են:
Լուսինե ԲՈՒԴԱՂՅԱՆ
