Դերասան, կատակերգու Վարդան Պետրոսյանի ֆեյսբուքյան գրառումը
Սարսափելի բան… Բոլորի աչքի առաջ, դատարանի դահլիճում մահացավ Արմեն Գրիգորյանը… Իմ դատավարության ընթացքում ես ինչ ասես տեսա` ուշագնացություն դահլիճում, շտապ օգնություն, ուշագնաց փայտացում դատից հետո, ինչ ասես… Բայց սա անմարդկայինության բոլոր սահմաններն անց է… Եվ սա պատահականություն չի, ոչ։
Սա պատկերն է մեր այսօրվա դառը իրականության… Սա հուսահատ ճիչն է այսօրվա անհուսության… Բողոքի ճիչ` սրիկայության, ստորության, ապիկարության, անհոգության դեմ…
Ես հույս ունեի, այո, հույս ունեի, որ լուրջ փոփոխություններ կլինեն մեր դատաիրավական համակարգում։ Փաստորեն` ոչ։ Դուք օրինական ժառանգորդներն եք նախկինների եւ նրանց գործի շարունակողը։
Կարդացեք նաև
Խորին ցավակցություններս` հարազատներին…
Այո, նրանք ժառանգորդներն են նախկինների և նրանց գործի շարունակողը: Այսպես կշարունակվի, քանի դեռ չի փոխվել սուպերվարչապետական այս արատավոր սահմանադրությունը, որը չի կարող ապահովել դատաիրավական համակարգի անկախությունը գործադիր իշխանությունից: Դատավորներն իրենց մաշկը փրկելու համար կատարել և կատարելու են վերևից իջեցված քաղաքական պատվերները: Ընդդիմադիր գործիչներից միայն Պարույր Հայրիկյանն է սահմանադրությունը փոխելու հարցը կարևոր համարում և պայքարում դրա համար:
Եթե իշխանությունը փոխվի և դրանից անմիջապես հետո այս սահմանադրությունը չփոխվի, նույնիսկ արդար ընտրված նոր իշխանությունը դառնալու է բռնապետական, քանի որ այսպիսի համակարգը գործադիրին հնարավորություն է տալու դատավորներին իր բռի մեջ պահել և նրանց թելադրել իր կամքը: