Ադրբեջանում գերի պահվող երկու առևանգված հայ զինծառայողները՝ Հարություն Հովակիմյանը և Կարեն Ղազարյանը, դատապարտվել են 11 տարի 6 ամսվա ազատազրկման:
Դատավարությունը տեղի է ունեցել Սումգայիթի ծանր հանցագործությունների դատարանում: Հայ ռազմագերիները մեղադրվել են սահմանի անօրինական խախտման և մի շարք այլ ծանր հանցագործությունների համար:
Նախօրեին դատախազը նրանց համար պահանջել էր 12 տարվա ազատազրկում:
Հիշեցնենք, որ մայիսի 26-ին ՀՀ ՊՆ-ն հայտարարություն էր տարածել, որ մարտական դիրքեր սնունդ մատակարարող ՀՀ ԶՈՒ 2 զինծառայողի հետ կապն ընդհատվել էր: Ավելի ուշ հայտնաբերվել էր զինծառայողների կողմից շահագործվող թիկունքային մատակարարման ավտոմեքենան, որը բեռնված է եղել սննդով և ջրով՝ նախատեսված մարտական հենակետերի համար։ Պարզվել էր, որ նրանց ապօրինի առևանգել է ադրբեջանական կողմը։
Կարդացեք նաև
Մայիսի 28-ին Միջազգային իրավական հարցերով ներկայացուցչի գրասենյակը Մարդու իրավունքների եվրոպական դատարան էր ներկայացրել Ադրբեջանի իրավասության ներքո գտնվող ՀՀ ԶՈՒ երկու զինծառայողների հիմնարար իրավունքների պաշտպանության վերաբերյալ դիմում և պահանջել, որպեսզի Դատարանի կանոնագրքի 39-րդ կանոնի համաձայն միջանկյալ միջոց կիրառվի Ադրբեջանի նկատմամբ՝ զերծ մնալու հայ զինծառայողների իրավունքների խախտումներից:
Պատրաստեց Վիկտորյա ԱՆԴՐԵԱՍՅԱՆԸ
Տղերք ջան, ժողովրդի սիրտը ձեր համար մղկտում է, բայց ոչինչ չի կարողանում անել, քանի որ առայժմ ձեզ օգնելու լծակներ չունի։ Լծակ ունեցողն էլ դերասանություններով ու դատարկախոսություններով է զբաղված։ Բոլորս ձեր առջև գլխիկոր ենք, բայց աշխատեք պինդ ու ոգեղեն մնալ, համբերեք մինչև այսօրվա անհայրենիք, անթասիբ ու թշնամու կամակատար իշխանություններին ժողովուրդը մի օր կարողանա փոխանակել ձեզ հետ։